Matiyu 16:4 - Nyaa Shɔɔ Ɓɔɔ Laa a Ɓɛɛ

⁴ Nɔɔ zang yeti shi kpang koo jaknti ɓɔɔ nɔɔ zi Laa Kpang ɓee, nɔɔ kasɛ nɛɛ n tusu nɔɔ vuu ɓɔɔ zang zirɛ zang mã naa ka danggn ɓɛɛ. N tùsù nɔɔ kpang, zang tusu ɓɔɔ zang palɛ ka bii Yunana zang nyaa shonang Laa ɓɛɛ kɔ shɛ̃ɛning. A yaa ri daayi.”

Matiyu 16:4 Σταυροειδείς Αναφορές

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Matiyu 16:5

Zang ɓɔɔ ri mantɛ vuu ka bii Yeesɔ ri ta mii waapo Galili tɔ, danggn ning ri a ri tuu borodi ka naa kpang.

Maraku 8:12

A Yeesɔ shu gn, a kɔɔ ri tɔɔ, “Zang koo jaa knti keɓe, nɔɔ kasɛ n tusu nɔɔ vuu ɓɔɔ zang zirɛ, zang mã naa ka danggn, ka ruu viya? N kɔɔ nɔɔ ruu ɓɔɔ niizang kɔ nwani, n tusu nɔɔ kpang.”

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Zang Shonang Yeesɔ 2:40

Bituru rangkɛ ri ruu ɓɔɔ kaa gn dɔɔli, a shaarɛ ri nyaa kati tɔɔ, “Nɔɔ ta yuu manɛ katɔ nɛɛ naa jĩng ɓɔɔ zang naa dǎng zang ɓɔɔ yeti ɓarɛ shi kpang ɓɛɛ.”