Matiyu 16:18 - Nyaa Shɔɔ Ɓɔɔ Laa a Ɓɛɛ

¹⁸ N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Matiyu 16:18 Σταυροειδείς Αναφορές

Matiyu 10:2

Zang kopi tu ziti ɓɔɔ Yeesɔ shong ri, zang ɓaa nung ɓarɛ nɛɛ, Siman ɓɔɔ zang ti ɓaa wu nɛɛ Bituru ɓɛɛ. Wukɔ tĩng shɔɔnang, nɛɛ jaa niiɓɛ Anduru, a ɓɔɔ Yakub jaa Zebedi nɛɛ jaa niiɓɛ Yɔhana,

Matiyu 11:23

A ɓɔɔ manɛ, zang Kafanahu, zang naa tuu nɔɔ ditɔ ka lapa ya? Kpang. Zang naa tasɛ nɔɔ ka yeti waa bang kɔ jong. Zang nɛ̀ɛ́ palɛ vuu bang kɔ zang mã naa ka danggn ɓee, ka Sɔɔdom, zang Sɔɔdom ri nɛɛ doogn diki keɓe.

Matiyu 18:17

Nɛɛ ti tãa nyaa zang kaɓa kpang kɔ doori, tɔ̀ɔ mɔɔ daa kɔɔ zang Laa ɓɔɔ nimbang kati. Nɛɛ ɓaa shoo ka nyaa zang Laa ɓɔɔ nimbang kpang kɔ doori, tɔ̀ɔ mɔɔ yaa wu nɔngkɔ, naa ɓɔɔ mɔɔ yaa zang ɓɔɔ dũng Laa kpang ɓɛɛ, kɔ zang ɓɔɔ ta saka tipi ɓɛɛ.

Matiyu 4:18

Yeesɔ rakɛ kana ka nyaa mii waapo Galili, a zi zang ziti, Siman ɓɔɔ zang ɓaa nɛɛ Bituru ɓɛɛ nɛɛ jaa niiɓɛ Anduru. Ri yi jaazĩi nɛɛ jang ka mii waapo, ka ruu ɓɔɔ, ri ɓarɛ zang jaazĩi yinang ɓɛɛ.

Matiyu 7:24

“Zang piti ɓɔɔ tãa ruu mɛɛ keɓe, a ti palɛ vuu ɓɔɔ wu tãayi, nwang naa zang zũnang ɓɔɔ mãa gãa ɓiɓɛ ka yuu pɛngkɛ ɓɛɛ.

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 8:1

Shaawulu kasɛ nyaa kagn ka ɓɔɔ zang nyɔ Istifanu vɔrɔ ɓɛɛ. Ka diki kaɓa zang gaayu ɓɔɔ zang dang zang ɓɔɔ ri dũng Laa jĩng ka Urushalima. Zang ɓɔɔ ri shing danggn tɔ, zang tantɛ ri ka tipi Yahudi nɛɛ tipi Samariya nandon. Ɓi rɛɛ zang shonang Yeesɔ kɔ ri nwang ɓarɛ shɛ̃ɛning.

1 Koranti 15:55

“Vɔrɔ ɓa suru bii yuu takpang dòndòng. Náa ɓɔɔ wu palɛ zang vuu nɛɛ mani ti takpang.”

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

Afisa 3:10

Kasɛ nɛɛ ka koo jaa knti keɓe, wu tusu rɛɛ kpanti, nɛɛ rɛɛ zang bang, zũnang ɓiɓɛ naa ɓɔɔ nwang ka bm bm ɓɛɛ, nɛɛ bii zang ɓɔɔ ri dũng wu ɓɛɛ.

Afisa 5:32

Ruu niizang ɓɔɔ bang, ɓɔɔ ruu keɓe nwangsɛ kagn, n zirɛ, zang rang yee ɓi ka yuu Kirisi nɛɛ zang ɓɔɔ ri dũng wu ɓɛɛ.

Kolosi 1:18

Wukɔ zang bang zang ɓɔɔ ri dũng wu, ɓɔɔ ri nwáng kaa naa bii ɓiɓɛ ɓɛɛ. Bii keɓe walɛ suru bii nɛɛ bii ɓiɓɛ kɔ. Wukɔ jamari zang ɓɔɔ zang wisi ri paa nɛɛ sàa ɓɛɛ, tɔ̀ɔ, ka vuu piti wukɔ wu nwang kaa tĩng.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

1 Timoti 3:5

Ka ruu ɓɔɔ, naa zang ɓɔɔ zunung ɓɔɔ wu yiti zang ka gãa ɓiɓɛ kpang, palɛ biya, wu yiti zang ɓɔɔ ri dũng Laa viya?

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 21:14

Zang loo doo binting bìí ka yuu tari kopi tu ziti. Zang beere nung rɛɛ zang shonang Jaa Mɛ̀ɛrɛ́, ɓɔɔ ri kopi tu ziti ka rɛɛ tari bìí.