Matiyu 16:16 - Nyaa Shɔɔ Ɓɔɔ Laa a Ɓɛɛ

¹⁶ Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 16:16 Σταυροειδείς Αναφορές

Matiyu 1:16

Yakubu naa yi Yusufu varɛ Marayamu. Marayamu kɔ nàá Yeesɔ ɓɔɔ zang ɓaa wu nɛɛ Kirisi (ɓɔɔ Laa tɔɔ wu shong ɓɛɛ).

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 16:15

A Yeesɔ hɛ̃ɛ ri tɔɔ, “A nɔɔ kɔɔ manɛ nɛɛ, nkɔ wiya?”

Matiyu 26:63

Yeesɔ ti ãa nyaa ɓi kagn kpang. A Kpanti zang ɓɔɔ ri dɔɔ vuu kà Gãa Laa, kɔɔ wu tɔɔ, “N zɔ̃ɔrɔ mɔɔ katɔ nɛɛ Kpanti Laa ɓɔɔ ningkãari ɓɛɛ, kɔɔ ruu jong. Mɔkɔ Kirisi Jaa Kpanti Laa ɓɔɔ naa a ɓɛɛ ya?”

Matiyu 27:54

Yɔɔ zang bang sɔɔja, nɛɛ sɔɔja ɓɔɔ ri gãng jĩng ka Yeesɔ, ri zi naa ɓɔɔ tipi ruutu, nɛɛ vuu piti ɓɔɔ palɛ, bii kàa ri vɔrɔ. Ri tɔɔ, “Bɛ̀ɛ́ yɔɔ keɓe, Jaa Laa kɔ niizang.”

Matiyu 4:3

A Sheetang arɛ naa gãsɛ wu tɔɔ, “Mɔkɔ nɛɛ Jaa Kpanti Laa, risi tari keɓe ta, ri rì borodi.”

Maraku 14:61

Yeesɔ ti ãa nyaa ɓi kagn kpang. A kpanti zang ɓɔɔ ri dɔɔ vuu ka Gãa Laa, ti hɛ̃ɛ wu tɔkn nɛɛ, “Mɔkɔ Kirisi, Jaa Kpanti Laa ɓɔɔ zang dɔɔ ɓɛɛ ya?”

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Yɔhana 11:27

Mata kasɛ wu nyaa tɔɔ, “Nn, Kpanti, N shing danggn tɔ nɛɛ, mɔkɔ Kirisi Jaa Laa, ɓɔɔ naa a ka koo ɓɛɛ.”

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 6:57

Naa ɓɔɔ Daa ɓɔɔ shíng zang, zang nwang ningkãari ɓɔɔ wukɔ shong m, shing m n nwàng ningkãari. Naa zang ɓɔɔ shaa yɔpɔ bii mɛɛ, n shing wu doo nɔngkɔ, wu nwang ningkãari.

Yɔhana 6:68

Siman Bituru kasɛ wu nyaa tɔɔ, “Kpanti, ruu daa kaa bii wiya? Mɔkɔ kɔ̀ɔ́ ruu ɓɔɔ a zang suru bii ɓɔɔ waa nyaa kpang ɓɛɛ.

Yɔhana 6:69

Ruu shing danggn tɔ, a ruu ti zi tɔ nɛɛ mɔkɔ ɓaa zang ɓɔɔ Laa zɔ̃ng katɔ ɓɛɛ.”

Zang Shonang Yeesɔ 14:15

“Nɔɔ palɛ vuu keɓe ka ruu viya? Rùu ɓuru doo shɔnzang kɔ naa nɔkɔ. Ruu arɛ ruu tɔɔ ruu naa kɔ̀ɔ́ nɔɔ Ruu Tɔ̃ɔ Laa. Ruu tɔɔ nɔɔ yaa gbalang vuu ɓɔɔ nwàng nɔɔ vuu ɓɔɔ kpang keɓe. Nɔɔ a ka bii Laa ɓɔɔ ningkãari ɓɔɔ wukɔ mãa lapa nɛɛ tipi nɛɛ waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 8:36

Ri daa kana ka gbalang, a ri naa a ka nɔng ɓɔɔ mii kagn ɓɛɛ. Yɔɔ ɓɔɔ bii varɛ ɓiɓɛ vɔ katɔ keɓe kɔɔyi tɔɔ, “Mii keɓe, palɛ m batizima ta.”

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Rooma 1:4

Ka nwannang ɓiɓɛ ɓɔɔ shi kpang ɓi kagn kpang ɓɛɛ, Laa túsù nɛɛ naa vuu palɛnang ɓiɓɛ nɛɛ, Yeesɔ Kirisi kɔ Jaa ɓiɓɛ, ka ɓɔɔ wu wisi wu paa nɛɛ saa ɓɛɛ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

2 Koranti 3:3

Nɔɔ tusu tɔ nɛɛ, nɔkɔ labeenang keɓe ɓɔɔ Yeesɔ Kirisi nɛɛ yuu ɓiɓɛ beeyi ɓɛɛ, a shong nyaa kaa nɛɛ mani nɛɛ bii ɓuru. Bee labeenang keɓe nɛɛ mii vuu ɓɔɔ zang bee laa nɛɛ mani ɓɛɛ kpang. Bee ɓi nɛɛ Suru Laa ɓɔɔ ningkãari ɓɛɛ. Bee wu ka rɛɛ tari pɛkɛtɛ ɓɔɔ zang bee vuu kagn ɓɛɛ kpang. Beere ɓi ka yeti shɔnzang.

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.

Yahudi 10:31

Naa zang shɛ̃ɛ ka naa Laa, nɛɛ tɔ̀ɔ wu jɛ̃ɛ wu ruu, ɓi vuu bii bàanang.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

1 Yɔhana 5:5

Ɓu wi ɓa yuu vuu ɓɔɔ nwãarɛ zang ka koo keɓe yuu wiya? Zang ɓɔɔ shing danggn nɛɛ Yeesɔ Jaa Laa ɓɛɛ.

Vuu ɓɔɔ zang nwangsɛ Yɔhana 7:2

A n zi zang nyaa shonang Laa ɓɔɔ ka lapa ɓɛɛ gbete a nɛɛ paa ɓɔɔ laa nwang nɛɛ mani ɓɛɛ. Yiti vuu ɓɔɔ Laa ɓɔɔ ɓi ningkãari ɓang ka bii vuu, zang zi vuu ɓiɓɛ nung kaa gn ɓɛɛ. A mɛɛ nyaa nabm, ɓaa nyaa ka rɛɛ zang nyaa shonang Laa ɓɔɔ ri ka lapa ɓɛɛ dɛ̃ɛti kaɓa, ɓɔɔ Laa a ri naa tɔ nɛɛ ri dang tipi nɛɛ waapo jĩng ɓɛɛ.