Matiyu 16:13 - Nyaa Shɔɔ Ɓɔɔ Laa a Ɓɛɛ

¹³ Yeesɔ naa a tɔ ka tipi Kayisariya Filipi, a hɛ̃ɛ zang ɓɔɔ ri mantɛ vuu ka bii ɓiɓɛ tɔɔ, “Zang kɔɔ ɓu nɛɛ ɓɔɔ n Jaa Shɔnzang, n ɓu wiya?”

Matiyu 16:13 Σταυροειδείς Αναφορές

Matiyu 12:32

Zang ɓɔɔ nɛɛ ti rang yee shi kpang ka yuu Jaa Shɔnzang, Laa yaa wu gbalang ɓi katɔ. Naa zang ɓɔɔ rang yee shi kpang ka yuu Suru Laa, Laa yaa wu gbalang ka koo keɓe nɛɛ koo ɓɔɔ naa a ka tĩng ɓɛɛ kpang.

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 12:8

Ka ruu nɔngkɔ, Jaa Shɔnzang kɔ kpanti Diki Ɔ̃sɔnang zang Yahudi.”

Matiyu 13:37

A Yeesɔ kasɛ ri nyaa tɔɔ, “Zang ɓɔɔ ɓaa jĩng zee tɔ̃ɔ, ɓi Jaa Shɔnzang.

Matiyu 13:41

Jaa Shɔnzang naa shong zang nyaa shonang ɓiɓɛ ɓɔɔ ri ka lapa ditɔ, nɛɛ ri kpalɛ vuu piti ɓɔɔ shing zang vuu shi kpang palɛnang ka nɔng ɓɔɔ wu roo kpanti ɓɛɛ, nɛɛ zang ɓɔɔ ri palɛ vuu shi kpang nandon.

Matiyu 15:21

A Yeesɔ seepaa nɛɛ nɔng kaɓa, daa ka tipi Taya nɛɛ Sidong.

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Matiyu 9:6

N másɛ̀ yɔɔ keɓe ditɔ, tɔ̀ɔ, nɔ́ɔ zi kati nɛɛ, zang a Jaa Shɔnzang naa tɔ, ka koo keɓe, nɛɛ wu yaa zang gba lang vuu shi kpang ɓarɛ.” A Yeesɔ kɔɔ yɔɔ ɓɔɔ bii vɔ katɔ nɛɛ, “Seepaa ta, mɔɔ tuu laa ɓɔɔ zang ta mɔɔ kagn, mɔɔ daa gãa.”

Maraku 10:45

Ka ruu ɓɔɔ, Jaa Shɔnzang àrɛ́ nɛɛ zang shòng wukɔ shonang kpang, àrɛ́ nɛɛ wu shong zang katɔ kɔ jong. Wu ti mã̀lɛ̀ yuu ɓiɓɛ, ka ruu zang dɔɔli nɛɛ tɔ̀ɔ, wu ta yuu ɓarɛ kati.”

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Yɔhana 1:51

A kɔɔ ri kati tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ naa zi lapa puu ditɔ, zang nyaa shonang Laa ɓɔɔ ka lapa ɓɛɛ, ri naa a ka bii mɛɛ, ɓɔɔ n Jaa Shɔnzang, ri ti gbãayu ka lapa tɔkn.”

Yɔhana 12:34

Zang ɓɔɔ ri kpalɛ zɔɔ ɓɛɛ, ri kasɛ wu nyaa tɔɔ, “Zang bee ka yeti Labeenang nyaa dannang Laa ɓuru tɔɔ, Kirisi naa nwáng ɓi dòndòng. A mɔɔ kɔɔ ɓaa ka biya nɛɛ zang naa tuu Jaa Shɔnzang viya? Ɓi kaa wi Jaa Shɔnzang keɓe wiya?”

Yɔhana 3:14

Naa ɓɔɔ Musa wisi sɔkɔ ɓɔɔ zang palɛ zang kãngtɛ ka yuu laa paa ka waala, zang naa wisi m ɓɔɔ n Jaa Shɔnzang paa doo nɔngkɔ.

Yɔhana 5:27

Ti á Jaa naa tɔ nɛɛ wu jɛ̃ɛ zang ruu ka ruu ɓɔɔ wukɔ Jaa Shɔnzang ɓɛɛ.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 7:56

A kɔɔyi tɔɔ, “Nɔɔ zirɛ, n zirɛ lapa puuyi, a Jaa Shɔnzang shii ka nakn Laa.”