Matiyu 16:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu vi nɔɔ zi gn kpang, nɛɛ n rang yee m ka yuu borodi kpang viya? N kɔɔ m nɛɛ nɔɔ gãng jĩng ka yisi ɓɔ̀ɔ́ zang Farisi nɛɛ Saduki ning.”

Matiyu 16:11 Σταυροειδείς Αναφορές

Matiyu 16:1

Zang Farisi nɛɛ Saduki, ri arɛ nɛɛ ri naa gãsɛ Yeesɔ. Ri kɔɔ Yeesɔ tɔɔ, “Tusu ruu vuu ɓɔɔ zang zirɛ zang mã naa ka danggn ɓɔɔ ruu zi kagn nɛɛ mɔɔ a nɛɛ bii Laa ɓɛɛ.”

Matiyu 16:12

A zang ɓɔɔ ri mantɛ vuu ka bii ɓiɓɛ, ri naa zi kaa nɛɛ knti, nɛɛ Yeesɔ, kɔɔ ri ɓarɛ nɛɛ ri gãng jĩng ka yisi ɓɔɔ puu zũng ɓɔɔ zang palɛ borodi nɛɛ mani ɓɛɛ kpang. Nɛɛ ri gãng jĩng ɓarɛ ka vuu ɓɔɔ zang Farisi nɛɛ Saduki ri tusu zang ɓɛɛ.

Matiyu 16:6

A Yeesɔ kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi, vuu ɓɔɔ puu zũng ɓɔɔ zang palɛ borodi nɛɛ mani, ɓɔ̀ɔ́ zang Farisi nɛɛ ɓɔ̀ɔ́ zang Saduki ning.”

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Maraku 4:40

A hɛ̃ɛ ri nɛɛ, “Nɔɔ kaa vɔrɔ ka ruu viya? Nɔɔ shing danggn gn kpang ya?”

Maraku 8:15

Ri daa kana, a Yeesɔ gaa tɔɔsung ɓɔɔ wu shaarɛ ri nyaa ɓɛɛ kati, kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi ɓɔɔ zang Farisi nɛɛ ɓɔɔ Hiridu ning.”

Maraku 8:21

A ti naa hɛ̃ɛ ri tɔkn tɔɔ, “Nɔɔ zi ɓu gn kpang ya?”

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Luka 12:56

Ɓɔɔ nɔɔ zang ɓɔɔ nwãarɛ zang nɛɛ vuu palɛnang ɓɛɛ, nɔɔ nɛɛ pɛ̃ɛrɛ koo tɔ, nɛɛ lapa, nɔɔ zi vuu ɓɔɔ naa nwang katɔ. A nɔɔ zi vuu ɓɔɔ Laa palɛ ka diki keɓe kpang ka ruu viya?

Yɔhana 8:43

Nɔɔ zi vuu ɓɔɔ n kɔɔ ɓɛɛ kpang ka ruu viya? Ɓi ka ruu ɓɔɔ nɔɔ kasɛ nɛɛ nɔɔ dũ̀ng vuu ɓɔɔ n kɔɔ ɓɛɛ kpang ɓɛɛ.