Matiyu 15:32 - Nyaa Shɔɔ Ɓɔɔ Laa a Ɓɛɛ

³² A Yeesɔ ɓaa zang ɓɔɔ ri mantɛ vuu ka bii ɓiɓɛ nyaa, a kɔɔ ri tɔɔ, “Zang keɓe gn ɓarɛ kɔng m dɔɔli, ka ruu ɓɔɔ, ri nwang tɔ nɛɛ n daa diki taati, vuu shaanang ɓarɛ takpang ɓɛɛ. N kasɛ, n tɔɔ, n jee ri nyaa nɛɛ nyɔkɔ kpang, ka ruu ɓɔɔ, doo nɛɛ daa kàá ri ka gbalang ɓɛɛ.”

Matiyu 15:32 Σταυροειδείς Αναφορές

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 14:13

Yeesɔ tãa vuu ɓɔɔ zang palɛ ɓɛɛ, a seepaa nɛɛ nɔng kaɓa vang tonsi, daa ka nɔng ɓɔɔ zang kagn kpang ɓɛɛ. A zang dɔɔli ri tãa nyaa nɔng ɓɔɔ Yeesɔ daayi, ri seepaa nɛɛ gari ɓarɛ nɛɛ doo, ri dũuru wu.

Matiyu 15:33

Zang ɓɔɔ ri mantɛ vuu ka bii ɓiɓɛ ri hɛ̃ɛ wu tɔɔ, “Rùu walɛ borodi ka niya dɔɔli, ka waala keɓe, ruu a zang kɔ ri kpalɛ zɔɔ gaagaa ɓee wiya?”

Matiyu 20:34

Gn ɓarɛ kɔng Yeesɔ, a lee naa ka jĩng ɓarɛ. Jĩng ɓarɛ tantɛ kaa puunang, ri zi nɔng, a ri dũng Yeesɔ kati.

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Matiyu 9:36

Yeesɔ pɛ̃ɛrɛ zang nimbang ɓɔɔ ri kpalɛ zɔɔ, a gn ɓarɛ kɔng wu, ka ruu jĩng ɓɔɔ ri dang ɓɛɛ. Zang ɓɔɔ yi ri naa ka bii kpang. Ri nwang naa mɛ̀ɛrɛ́ ɓɔɔ jagãng ɓarɛ kagn kpang ɓɛɛ.

Maraku 9:22

“Diki ɓɔ̀ɔ́gn loo wu ka waa, diki ɓɔ̀ɔ́gn ti loo wu ka mii, nɛɛ tɔ̀ɔ wu nyɔ wu vɔrɔ kati. Mɔɔ nɛɛ zunung katɔ, gn ɓuru wu kɔng mɔɔ, mɔɔ yi ruu naa kagn, mɔɔ màsɛ̀ ruu wu.”

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Zang Shonang Yeesɔ 27:33

Kaa nɛɛ yuu gãndi Bulu bakɛ ri nandon, nɛɛ ri shaa vuu shaanang. Kɔɔ ri tɔɔ, “Diki ɓɔɔ nɔɔ gãng jĩng nɛɛ nɔɔ zi vuu ɓɔɔ naa palɛ daa lee kopi tu dɛ̃ɛti nɔɔ ti shaa vuu ka nyaa kpang.

Yahudi 4:15

Ka ruu ɓɔɔ, kpanti zang ɓɔɔ ri dɔɔ vuu ka gãa Laa, ɓɔɔ ɓuru, gn ɓuru kɔng wu katɔ, ka ɓɔɔ ruu lakɛ naa ka bii kpang ɓɛɛ. Kpanti ɓuru keɓe ɓi zang ɓɔɔ zang gãsɛ wu katɔ ka gbalang náabm̀ náabm̀, naa ɓɔɔ zang gãsɛ ruu ɓɛɛ. A palɛ vuu shi kpang ɓi kaa takpang.