Matiyu 15:30 - Nyaa Shɔɔ Ɓɔɔ Laa a Ɓɛɛ

³⁰ A zang dɔɔli ri kpalɛ zɔɔ ka bii ɓiɓɛ. Ri atɛ wu zang ɓɔɔ doo shãa katɔ, ɓɔɔ zang ɓɔɔ ri kàa katɔ, nɛɛ zang jĩng ringtang, nɛɛ zang ɓɔɔ nyaa nɔɔ katɔ, nɛɛ zang kɔnang ɓɔɔ kaa gn gaagaa. Ri tɛ̃ɛ ri ka tĩng ɓiɓɛ, a masɛ ri kati.

Matiyu 15:30 Σταυροειδείς Αναφορές

Maraku 9:43

Ka ruu nɔngkɔ, naa ɓaaɓɛ nɛɛ dɔ̃ mɔɔ, nɛɛ mɔɔ palɛ vuu shi kpang, dɔng katɔ, mɔɔ tasɛ. Daa nɔng suru bii ɓɔɔ waa nyaa kpang nɛɛ naa dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ naa ziti ɓaaɓɛ ka yeti waa bang ɓɔɔ ning kpang ɓɛɛ. [

Luka 14:13

Mɔɔ nɛɛ tɔɔ mɔɔ a zang vuu shaanang, gáarɛ́ zang ɓɔɔ vuu ka naa ɓarɛ kpang, nɛɛ zang ɓɔɔ kàa katɔ, nɛɛ zang ɓɔɔ doo shãa katɔ, nɛɛ zang ɓɔɔ jĩng ringtang ɓɛɛ.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.