Matiyu 15:3 - Nyaa Shɔɔ Ɓɔɔ Laa a Ɓɛɛ

³ A Yeesɔ kasɛ ri nyaa tɔɔ, “Ka ruu vi nɔɔ yaa nyaa ɓɔɔ Laa dangnɛ, nɛɛ nɔɔ dũng kaa nyaa ɓɔɔ daa manɛ dangnɛ viya?

Matiyu 15:3 Σταυροειδείς Αναφορές

Matiyu 15:2

“Zang ɓɔɔ ri mantɛ vuu ka bii ɓaaɓɛ, ri ɓa nyaa ɓɔɔ daa ɓuru dang ka ruu viya? Ka ruu vi, ri shaa vuu shaanang, ri sɔɔ náa ɓarɛ naa ɓɔɔ daa ɓuru tusu rùu kpang viya?”

Matiyu 15:4

Kpanti Laa dang nyaa tɔɔ, ‘Zang wu shing jĩng ka diiɓɛ nɛɛ niiɓɛ, wu ti ɓaa shoo ka nyaa ɓarɛ. Nɛɛ zang ɓɔɔ nɛɛ rang yee shi kpang ka yuu diiɓɛ nɛɛ niiɓɛ, zang wu nyɔ vɔrɔ ka tipi tang.’

Maraku 7:13

Ka ruu nɔngkɔ, nɔɔ shing Ruu Laa nwang tɔ vuu ɓɔɔ kpang, ka ruu ɓɔɔ, nɔɔ tusu zang vuu ɓɔɔ dáa manɛ tusu ɓɛɛ. Vuu ɓɔɔ nɔɔ palɛ naa weɓe ti kagn dɔɔli. Nɔɔ tusu zang wu Ruu Laa kpang.

Kolosi 2:23

Nyaa dannang keɓe, túsù bii mɔɔ kɔɔ nɛɛ zũnang kagn, ka ɓɔɔ ri shing zang nɛɛ kaka nɛɛ zang bang vuu ɓɔɔ shɔnzang kasɛ bannang ɓɛɛ. Ri suu sèé nɛɛ ri tuu yuu ɓarɛ kpang, a ri ti dang bii ɓarɛ jĩng ka ɓɔɔ ri palɛ bii hakaka ɓɛɛ. A nyaa dannang keɓe ri zunung ɓɔɔ wu zãa ri vuu ɓɔɔ bii ɓarɛ kasɛ ɓɛɛ palɛnang kaa takpang.

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

Titu 1:14

Ri yaa ruu gbãagbãa zang Yahudi ta, nɛɛ vuu ɓɔɔ shɔnzang ri kasɛ nɛɛ zang palɛ, ɓɔɔ zang ɓɔɔ ri bɛ̃ɛ Ruu Tɔ̃ɔ Laa katɔ, ri tusu zang ɓɛɛ.