Matiyu 15:1 - Nyaa Shɔɔ Ɓɔɔ Laa a Ɓɛɛ

¹ A zang Farisi ɓɔɔ nɛɛ zang ɓɔɔ ri tusu zang vuu, ri a ka bii Yeesɔ nɛɛ Urushalima. Ri hɛ̃ɛ Yeesɔ tɔɔ,

Matiyu 15:1 Σταυροειδείς Αναφορές

Matiyu 23:2

“Zang ɓɔɔ ri tusu zang labeenang Laa, nɛɛ zang Farisi, rikɔ tèng doo Musa.

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Maraku 3:22

A zang ɓɔɔ ri tusu labeenang ɓɔɔ Musa beeyi, ɓɔɔ ri a nɛɛ Urushalima, ri kɔɔyi tɔɔ “Bahazabu kagn bii ɓiɓɛ. Nwangsɛ suru shi kpang ɓi nɛɛ naa ɓɔɔ kpanti suru shi kpang a wu ɓɛɛ.”

Luka 5:17

Diki ɓɔɔ kagn, Yeesɔ tusu zang vuu kana, a zang Farisi nɛɛ zang ɓɔɔ ri zi labeenang Laa dɔɔli ɓɔɔ alɛ nɛɛ gari piti ɓɔɔ ka tipi Galili, nɛɛ Yahudi, a ɓɔɔ gari Urushalima nandon, ri nwáng kagn nɔngkɔ. A Laa a Yeesɔ naa ɓɔɔ wu màsɛ́ zang kɔnang nɛɛ mani kati.

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Yɔhana 1:19

Zang bang bang zang Yahudi ɓɔɔ ka Urushalima ri shong zang ɓɔɔ ri dɔɔ vuu ka Gãa Laa, nɛɛ zang Leevi, ka bii Yɔhana ɓɔɔ palɛ zang batizima ɓɛɛ, nɛɛ ri naa hɛ̃ɛ wu nɛɛ, “Mɔɔ ɓaa ɓu wiya?”

Zang Shonang Yeesɔ 23:9

Ri haa nyaa kana nabm, a zang ɓɔɔ ri zi nyaa dannang Laa dɔɔli ɓɛɛ, ɓɔɔ ri ɓarɛ ka vàá zang Farisi kɔ doori ɓɛɛ, ri shii paa, ri laa nyaa ka yuu ruu keɓe nabm, ri tɔɔ, “Ruu zi vuu shi kpang ɓɔɔ yɔɔ keɓe palɛ ɓuru kpang. A nɛɛ zang nyaa shonang Laa ɓɔɔ ka lapa, kɔ́ suru nɛɛ rang wu yee, nɔɔ zi tɔ ya?”

Zang Shonang Yeesɔ 25:7

Zang atɛ Bulu tɔ, a zang Yahudi ɓɔɔ ri a nɛɛ Urushalima ri kiiri wu nyaa ka teteng. A ri gaa tɔɔsung ruu shi kpang dɔɔli kɔɔrɔnang ka yuu ɓiɓɛ, ɓɔɔ tĩng nyaa tãanang kpang ɓɛɛ. Zang ɓɔɔ ti kagn gbete ka teteng ɓarɛ ɓɔɔ tùsú zang nɛɛ ruu keɓe niizang kɔ nwani ɓɛɛ kpang.