Matiyu 14:9 - Nyaa Shɔɔ Ɓɔɔ Laa a Ɓɛɛ

⁹ Ɓɔɔ kpanti tãa naa weɓe, yeti ɓiɓɛ lasɛ dɔɔli, a vuu ɓɔɔ wu palɛ takpang, ka Ruu Laa ɓɔɔ wu tĩ̀ng jaa ka shoo zang zanti ɓɔɔ wu gaarɛ ɓɛɛ. A kɔɔ zang shonang ɓiɓɛ nɛɛ ri a jaa vuu ɓɔɔ jaa gàa ɓɛɛ ta.

Matiyu 14:9 Σταυροειδείς Αναφορές

Matiyu 14:1

Ka diki kaɓa, Hiridu ɓɔɔ roo kpanti ka Galili tãa nyaa Yeesɔ ɓɔɔ sãlɛ nɔng,

Matiyu 14:10

A shong zang, nɛɛ zang daa dɔ̀ng wu yuu Yɔhana ɓɔɔ ka sãa ɓɛɛ.

Matiyu 14:5

Hiridu nɛɛ wu nyɔ Yɔhana katɔ ka tipi tang, a kaa vɔrɔ zang, ka ruu ɓɔɔ, zang tɔɔ, Yɔhana zang nyaa shonang Laa ɓɛɛ.

Matiyu 14:8

A nàá jaa dɔ̃lɔ jaa nyaa tɔɔ, jaa wu gàa yuu kporontong Yɔhana ɓɔɔ palɛ zang batizima ɓɛɛ. A jaa naa kɔɔ kpanti Hiridu tɔɔ, “A m yuu kporontong Yɔhana ɓɔɔ palɛ zang batizima, ka yeti pɛntɛng kãntang keɓe.”

Maraku 6:14

Hiridu ɓɔɔ roo kpanti ka Galili tãa nyaa vuu ɓɔɔ Yeesɔ palɛ nandon, ka ruu ɓɔɔ, nyaa Yeesɔ baa nɔng tɔ nandon ɓɛɛ. Zang ɓɔɔ ri kɔɔyi tɔɔ, “Zang wisi Yɔhana ɓɔɔ pàlɛ́ zang batizima paa tɔ nɛɛ saa ka ruu nɔngkɔ walɛ naa vuu ɓɔɔ zang zirɛ zang mã naa ka danggn palɛnang.”

Maraku 6:20

Ka ruu ɓɔɔ, Hiridu kaa vɔrɔ Yɔhana katɔ, ti zi tɔ nɛɛ Yɔhana ɓi zang tɔ̃ɔ ɓɔɔ palɛ vuu ɓɔɔ daa bii katɔ ɓɛɛ. Ka ruu nɔngkɔ Hiridu yiti Yɔhana tɔ̃ɔ tɔ̃ɔ, kasɛ nɛɛ vuu ɓɔɔ wu lee Yɔhana naa ka bii kpang. Hiridu ɓaa shoo katɔ ka nyaa Yɔhana tɔ̃ɔ tɔ̃ɔ, a yèé Yɔhana kpãa wu ka yeti dɔɔli.

Maraku 6:26

Ɓɔɔ kpanti tãa naa weɓe, yeti ɓiɓɛ lasɛ dɔɔli a zi vuu ɓɔɔ wu palɛ takpang. Ka ruu ɓɔɔ, tũng jaa Laa tɔ ka shoo zang piti ɓɔɔ wu gaarɛ ɓɛɛ. Kasɛ nɛɛ wu yaa nyaa ɓɔɔ wu kɔɔ jaa ɓɛɛ takpang.

Luka 13:32

A kɔɔ ri tɔɔ, “Nɔɔ dita, nɔɔ daa kɔɔ yaka jĩngti kaɓa nɛɛ, ‘N nwangsɛ suru shi kpang, a n ti masɛ zang lɛɛkɔ, nɛɛ ɓuru. Lagbete n naa hangsɛ nyaa shonang mɛɛ.’