Matiyu 14:3 - Nyaa Shɔɔ Ɓɔɔ Laa a Ɓɛɛ

³ Hiridu kɔ kɔɔ zang nɛɛ zang yi Yɔhana, zang mãrɛ. Zang loo ka sãa ka ruu Hirodiya, soro jaa niiɓɛ Filibu ɓɔɔ wu ta ɓɛɛ.

Matiyu 14:3 Σταυροειδείς Αναφορές

Matiyu 11:2

Yɔhana ɓɔɔ zang mã wu ka sãa, tãa nyaa vuu ɓɔɔ Kirisi palɛ, a shong zang ɓɔɔ ri mantɛ vuu ka bii ɓiɓɛ, ka bii Yeesɔ,

Matiyu 14:6

Diki ɓɔɔ zang yi Hiridu kagn naa raa bii. A kpanti Hiridu gaarɛ zang nɛɛ zang naa shaa vuu shaanang. A Jaa Hirodiya ɓɔɔ soro sɔ dãng ka tĩng zang ɓɔɔ ri kpalɛ zɔɔ ɓɛɛ. Dãng ɓɔɔ jaa sɔrɛ, daa Hiridu ka yeti dɔɔli,

Matiyu 4:12

Yeesɔ naa tãa nyaa tɔɔ, zang loo Yɔhana tɔ ka sãa a naa yupaa daa ka Galili.

Maraku 6:14

Hiridu ɓɔɔ roo kpanti ka Galili tãa nyaa vuu ɓɔɔ Yeesɔ palɛ nandon, ka ruu ɓɔɔ, nyaa Yeesɔ baa nɔng tɔ nandon ɓɛɛ. Zang ɓɔɔ ri kɔɔyi tɔɔ, “Zang wisi Yɔhana ɓɔɔ pàlɛ́ zang batizima paa tɔ nɛɛ saa ka ruu nɔngkɔ walɛ naa vuu ɓɔɔ zang zirɛ zang mã naa ka danggn palɛnang.”

Maraku 6:17

Hiridu kɔ shong zang nɛɛ zang daa yi Yɔhana zang mãrɛ, zang loo wu ka sãa, ka ruu Hirodiya soro jaa diiɓɛ Filibu ɓɔɔ wu ta ɓɛɛ.

Maraku 6:19

Hirodiya mang Yɔhana ɓɔɔ pàlɛ́ zang batizima ka yeti, kasɛ nɛɛ wu nyɔ wu vɔrɔ katɔ, a walɛ gbalang kpang.

Maraku 6:22

A jaa Hirodiya ɓɔɔ soro arɛ naa sɔ dang. Dang ɓɔɔ jaa sɔɔrɛ daa kpanti Hiridu nɛɛ zang ɓɔɔ wu gaarɛ ka yeti dɔɔli, ka ruu nɔngkɔ, kpanti kɔɔ jaa tɔɔ, “Gaa vuu piti ɓɔɔ mɔɔ kasɛ, n a mɔɔ katɔ.” A tũng jaa Laa tɔ̀ɔ,

Maraku 8:15

Ri daa kana, a Yeesɔ gaa tɔɔsung ɓɔɔ wu shaarɛ ri nyaa ɓɛɛ kati, kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi ɓɔɔ zang Farisi nɛɛ ɓɔɔ Hiridu ning.”

Luka 13:1

Ka diki kaɓa, zang ɓɔɔ ri kagn nɔng, ri kɔɔ Yeesɔ ruu zang Galili ɓɔɔ Bilatu shingnɛ, zang nyɔ ri vɔrɔ bɛ̀ɛ́ ri dɔɔ Laa vuu ɓɛɛ.

Luka 13:31

Ka laa kaɓa, zang Farisi ri naa arɛ, ri kɔɔ wu tɔɔ, “Seepaa ta mɔɔ daa nɔng ɓɔɔgn, Hiridu kasɛ nɛɛ wu nyɔ mɔɔ katɔ.”

Luka 23:11

A kpanti Hiridu nɛɛ zang sɔɔja ɓiɓɛ, ri palɛ wu vuu yusɛ̃ɛ, a ri kpaa wu. A ri hãa wu fɔ̃ɔrɔ ɓɔɔ kpanti ri hãlɛ ɓɛɛ ka bii. A kpanti Hiridu sɔɔrɔ wu ka bii kpanti Bilatu.

Luka 23:7

A ɓɔɔ wu tãayi nɛɛ, Yeesɔ zang tipi Galili ɓɔɔ Hiridu roo kpanti kagn ɓɛɛ, a dɔ̃ wu ka bìí kpanti Hiridu ɓɔɔ bɛ̀ɛ́ ka Urushalima ka diki kaɓa ɓɛɛ.

Luka 3:1

Laa rang yee nɛɛ Yɔhana jaa Zakariya ka jĩngti, ka diki ɓɔɔ bɛ̀ɛ́ Pontu Bilatu kɔ gɔmna tipi Yahudi ɓɛɛ. Hiridu ɓi kaa gɔmna tipi Galili, a jaa daa ɓiɓɛ Filibu ɓi gɔmna tipi Ituriya nɛɛ tipi Tirakoniti. Lisaniya ɓi gɔmna tipi Abileni. Ka diki kaɓa, rɛɛ Anas nɛɛ Kayifa rikɔ kpanti zang ɓɔɔ ri dɔɔ vuu ka Gãa Laa ɓɛɛ. Ka diki kaɓa, Kayisa Taberiyu wukɔ zang bang rɛɛ tipi keɓe nɛɛ tipi Rooma nandon, daa saa kopi tu maani.

Luka 8:3

Nɛɛ Yuwana soro Kuza ɓɔɔ palɛ shonang ka dabang Kpanti Hiridu ɓɛɛ, nɛɛ Susana, a ɓɔɔ zang soro ɓɔɔgn gaagaa, ɓɔɔ ri see vuu naa ɓarɛ, ri kãa Yeesɔ nɛɛ zang ɓɔɔ ri mantɛ vuu ka bii ɓiɓɛ vuu shaanang nɛɛ mani ɓɛɛ.

Zang Shonang Yeesɔ 12:1

Ka diki kaɓa kɔ, kpanti Hiridu gaayu ɓɔɔ wu dang zang ɓɔɔ ka teteng zang ɓɔɔ ri dũng Laa jĩng.

Zang Shonang Yeesɔ 4:27

Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.