Matiyu 13:54 - Nyaa Shɔɔ Ɓɔɔ Laa a Ɓɛɛ

⁵⁴ Daa shɛ̃ɛ gari ɓiɓɛ tɔ, a gaa zang tɔɔsung vuu tusunang ka gãa zɔɔ kpalɛnang ɓarɛ. Zang ɓɔɔ ri tãa yee ɓiɓɛ, ri mã naa ka danggn. Ri tɔɔ, “Yɔɔ keɓe, walɛ zũnang keɓe ka niya? Ɓu wi a wu naa ɓɔɔ wu palɛ vuu kɔ zang zirɛ zang mã naa ka danggn nɛɛ mani wiya?

Matiyu 13:54 Σταυροειδείς Αναφορές

Matiyu 2:23

A Yusufu daa nwang ka nɔng ɓɔɔ zang ɓaa nɛɛ Nazara ɓɛɛ. Vuu keɓe nwang kaa naa ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Zang nyaa shonang Laa kɔɔyi tɔɔ, “Zang naa ɓaa wu nɛɛ yɔɔ Nazara.”

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 7:28

Ɓɔɔ Yeesɔ naa hangsɛ nyaa ruu keɓe kɔɔnang tɔ, zang ɓɔɔ ri kpalɛ zɔɔ ri mã naa ka danggn, ka ruu vuu tusunang ɓiɓɛ.

Luka 2:47

Zang piti ɓɔɔ ri tãa vuu ɓɔɔ wu kɔɔyi, ri mã naa ka danggn, ka ruu zũnang ɓiɓɛ, nɛɛ nyaa ɓɔɔ wu kasɛ ɓɛɛ.

Yɔhana 1:11

Á ka bii zang laa gãa ɓiɓɛ, a zang ɓiɓɛ ti ta wu kpang.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.