Matiyu 13:52 - Nyaa Shɔɔ Ɓɔɔ Laa a Ɓɛɛ

⁵² Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 13:52 Σταυροειδείς Αναφορές

Matiyu 12:35

Zang tɔ̃ɔ ti nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. Zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ.

Matiyu 13:51

A Yeesɔ hɛ̃ɛ ri tɔɔ, “Nɔɔ zi dĩiri yee keɓe ɓu tɔ nandon ya?” A ri kasɛ Yeesɔ nyaa tɔɔ, “Nn.”

Matiyu 13:53

Yeesɔ hangsɛ nyaa yee keɓe rannang tɔ, nɛɛ nyaa vuu jeenang, a seepaa daa ka nɔng ɓɔɔgn.

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Yɔhana 13:34

Kãntang keɓe, n dang nɔɔ kaa nyaa ɓɔɔ shɔɔ. Nɔɔ kasɛ ruu zɔɔ katɔ. Naa ɓɔɔ n kasɛ nɔɔ, nɔɔ kasɛ ruu zɔɔ doo nɔngkɔ.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

Afisa 3:4

naa nɔɔ gã vuu ɓɔɔ n bee ɓɛɛ, nɔɔ zi vuu ɓɔɔ n zirɛ ka yeti vuu ɓɔɔ zang waasɛ katɔ ka yuu Kirisi katɔ.)

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.