Matiyu 13:47 - Nyaa Shɔɔ Ɓɔɔ Laa a Ɓɛɛ

⁴⁷ Yeesɔ ti rang nyaa vuu jeenang ɓɔɔgn tɔkn tɔɔ, “Kpanti roonang Laa nwang naa jang jaazĩi yinang ɓɔɔ zang vang ka mii waapo, raa jaazĩi ka zɔ̃ng zɔ̃ng ɓɛɛ.

Matiyu 13:47 Σταυροειδείς Αναφορές

Matiyu 13:44

“Kpanti roonang Laa nwang naa vuu naa ɓɔɔ shaa nyaa dɔɔli, ɓɔɔ zang waasɛ ka tipi ka jaa, a zang ɓɔɔgn naa ĩiyi, a setee ka nɔngkɔ. Tãa tĩnang dɔɔli, ka ruu nɔngkɔ, daayi daa mãlɛ́ vuu ɓiɓɛ nandon, a naa hoo jaa kaɓa nɛɛ mani ɓɛɛ.”

Matiyu 13:46

A naa walɛ ɓɔɔ shaa nyaa dɔɔli, a daayi, daa mãlɛ́ vuu naa ɓiɓɛ nandon, a naa hoo nɛɛ mani ɓɛɛ.”

Matiyu 13:48

Ɓɔɔ jang jaazĩi naa yi nyaa, zang jaazĩi yinang ri gɔ̃ ka nyaa dang gãnggãng. Ri nwang ka tipi, a ri shɛ̃ɛrɛ ɓɔɔ tɔ̃ɔ tɔ̃ɔ ka yeti waka, a ri vang ɓɔɔ shi kpang kati.

Matiyu 4:19

A Yeesɔ ɓaa ri nyaa kɔɔ ri tɔɔ, “Nɔɔ dũng m ta, ń tusu nɔɔ naa ɓɔɔ nɔɔ ɓaa m zang nyaa ɓɛɛ.”

Maraku 1:17

A Yeesɔ ɓaa ri nyaa tɔɔ “Nɔɔ arɛ nɔɔ dũng m. N tusu nɔɔ naa ɓɔɔ nɔɔ ɓaa zang nyaa ri a ka bii mɛɛ ɓɛɛ.”

Luka 5:10

Rɛɛ Siman ɓeesang, rɛɛ Yakub nɛɛ Yɔhana wujɛ Zebedi, ri mã naa ka danggn doo nɔngkɔ. A Yeesɔ kɔɔ Siman tɔɔ, “Mɔ́ɔ kaa vɔrɔ kpang, kãntang keɓe mɔɔ nwang ɓaa tɔ̀ɔ́ zang ɓɔɔ yi jaazĩi kpang, mɔɔ nwáng ɓaa kaa zang ɓɔɔ ɓaa zang nyaa nɛɛ ri a ka bii mɛɛ ɓɛɛ.”

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 15:6

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

Zang Shonang Yeesɔ 20:30

Ka teteng manɛ, zang ɓɔɔ ri naa risi ruu niizang ditɔ, wu nwang kaa naa sèé, nɛɛ tɔɔ ri gɔ̃ɔ zang ɓɔɔ ri dũng Laa ri dũng kaa rikɔ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Vuu ɓɔɔ zang nwangsɛ Yɔhana 3:1

Zang kaɓa kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Sadisu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yiti rɛɛ Suru Laa manziti nɛɛ sang manziti ka naa ɓɛɛ. N zi shonang ɓɔɔ nɔɔ palɛ ɓɛɛ tɔ. Zang zi nɔɔ naa nɔɔ ningkãari, a ɓeekpang nɔɔ vɔlɔ manɛ katɔ.