Matiyu 13:44 - Nyaa Shɔɔ Ɓɔɔ Laa a Ɓɛɛ

⁴⁴ “Kpanti roonang Laa nwang naa vuu naa ɓɔɔ shaa nyaa dɔɔli, ɓɔɔ zang waasɛ ka tipi ka jaa, a zang ɓɔɔgn naa ĩiyi, a setee ka nɔngkɔ. Tãa tĩnang dɔɔli, ka ruu nɔngkɔ, daayi daa mãlɛ́ vuu ɓiɓɛ nandon, a naa hoo jaa kaɓa nɛɛ mani ɓɛɛ.”

Matiyu 13:44 Σταυροειδείς Αναφορές

Matiyu 13:24

Yeesɔ rang ri yee nɛɛ nyaa vuu jeenang ɓɔɔgn tɔɔ, “Kpanti roonang Laa nwang naa zang ɓɔɔ ɓaa jĩng zee tɔ̃ɔ ka jaa ɓiɓɛ ɓɛɛ.

Matiyu 13:46

A naa walɛ ɓɔɔ shaa nyaa dɔɔli, a daayi, daa mãlɛ́ vuu naa ɓiɓɛ nandon, a naa hoo nɛɛ mani ɓɛɛ.”

Matiyu 13:47

Yeesɔ ti rang nyaa vuu jeenang ɓɔɔgn tɔkn tɔɔ, “Kpanti roonang Laa nwang naa jang jaazĩi yinang ɓɔɔ zang vang ka mii waapo, raa jaazĩi ka zɔ̃ng zɔ̃ng ɓɛɛ.

Matiyu 19:21

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Matiyu 19:27

Bituru hɛ̃ɛ wu tɔɔ, “A wee ruu yaa vuu piti tɔ, ruu dũng mɔɔ ɓee, ruu naa walɛ ɓu kaa viya?”

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 6:21

Ka ruu ɓɔɔ, shɔnzang shing danggn ɓi doo ka nɔng ɓɔɔ wu kpálɛ̀ vuu naa ɓiɓɛ kagn kɔ doori ɓɛɛ.

Luka 14:33

Dũnnang mɛɛ, nwang ɓi doo nɔngkɔ. Zang ɓɔɔ nɛɛ yaa vuu ɓiɓɛ piti kpang, zunung ɓɔɔ wu nwáng zang ɓɔɔ dũng m kpang.

Yɔhana 6:35

Yeesɔ kɔɔ ri kati tɔɔ, “Nkɔ borodi ɓɔɔ a zang suru bii ɓɛɛ. Zang ɓɔɔ nɛɛ a ka bìí mɛɛ, nyɔkɔ nyɔ wu takpang. Zang ɓɔɔ nɛɛ ti shing danggn ka bìí mɛɛ, sutu mãa wu takpang.

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Kolosi 2:3

Ɓɔɔ Laa waasɛ zũnang nɛɛ vuu zinang nandon ka bii ɓiɓɛ ɓɛɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.