Matiyu 13:36 - Nyaa Shɔɔ Ɓɔɔ Laa a Ɓɛɛ

³⁶ A Yeesɔ naa yaa zang dɔɔli ɓɔɔ ri kpalɛ zɔɔ, a daa ka yeti gãa. A zang ɓɔɔ ri mantɛ vuu ka bii ɓiɓɛ naa arɛ hɛ̃ɛ wu tɔɔ, “Kɔɔ ruu dĩiri nyaa vuu jeenang zee lɔɔwɔ ɓɔɔ takɛ ka jaa ɓɛɛ ta.”

Matiyu 13:36 Σταυροειδείς Αναφορές

Matiyu 13:1

Yeesɔ nwang kaa nɛɛ yeti gãa, ka diki kaɓa, a daa nwang ka nyaa mii waapo.

Matiyu 13:11

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Matiyu 13:18

“Nɔɔ tãa dĩiri nyaa vuu jeenang zang ɓɔɔ daa jĩng vuu vannang ɓɛɛ ta.

Matiyu 13:25

A zang ɓɔɔ shing jĩng nɛɛ wu kpang, naa arɛ ɓaa zee lɔɔwɔ ka yeti jaa ɓiɓɛ, bɛ̀ɛ́ zang rooro katɔ, a daa kati.

Matiyu 14:22

A Yeesɔ kɔɔ zang ɓɔɔ ri mantɛ vuu ka bii ɓiɓɛ nɛɛ, ri shɛ̃ɛ ta yeti tonsi, ri ta waapo ri gbãayu ka knti ɓɔɔ ri a ɓɛɛ, ka tĩng. Nɛɛ wu jee zang nimbang doo nyaa ka gbongkarɛ, ri daayi.

Matiyu 15:39

Yeesɔ jee zang ɓɔɔ ri kpalɛ zɔɔ nyaa tɔ, a naa vang tonsi daa ka tipi Magadang.

Matiyu 9:28

A Yeesɔ naa hãa nyaa ka yeti gãa ɓɔɔgn, a ri naa a ka bii ɓiɓɛ. Yeesɔ hɛ̃ɛ ri tɔɔ, “Nɔɔ zi tɔ ka yeti manɛ, nɛɛ n zunung vuu keɓe palɛnang katɔ ya?” A ri kasɛ wu nyaa tɔɔ, “Nn, rùu zi tɔ, mɔɔ zunung katɔ Kpanti.”

Maraku 4:34

Kɔɔ ri ruu kagn nɛɛ nyaa waati gbete kpang. Rang ri yee nɛɛ nyaa vuu jeenang kɔ nandon, nɛɛ nwang tɔ nɛɛ zang ɓɔɔ ri mantɛ vuu ka bii ɓiɓɛ ka bm, wu nwangsɛ ri dĩiri ruu ɓɔɔ wu rang nɛɛ nyaa vuu jeenang kati nandon.

Maraku 6:45

A kɔɔ zang ɓɔɔ ri mantɛ vuu ka bii ɓiɓɛ tantɛnang nɛɛ ri vang tonsi ta ri daa gari Bɛsɛda ɓɔɔ ka nyaa rang dang ɓɛɛ ka tĩng. Nɛɛ wu jee zang ɓɔɔ ri kpalɛ zɔɔ doo nyaa ka gbongkarɛ.

Maraku 7:17

A Yeesɔ naa yaa zang ka biling daa ka yeti gãa. A zang ɓɔɔ ri mantɛ vuu ka bii ɓiɓɛ, ri naa hɛ̃ɛ wu nɛɛ wu kɔɔ ri dĩiri yee ɓɔɔ wu rang ɓɛɛ ta.

Maraku 8:9

Zang ɓɔɔ ri shaa vuu shaanang kaɓa, ri labang dɛ̃ɛti.