Matiyu 13:25 - Nyaa Shɔɔ Ɓɔɔ Laa a Ɓɛɛ

²⁵ A zang ɓɔɔ shing jĩng nɛɛ wu kpang, naa arɛ ɓaa zee lɔɔwɔ ka yeti jaa ɓiɓɛ, bɛ̀ɛ́ zang rooro katɔ, a daa kati.

Matiyu 13:25 Σταυροειδείς Αναφορές

Matiyu 13:24

Yeesɔ rang ri yee nɛɛ nyaa vuu jeenang ɓɔɔgn tɔɔ, “Kpanti roonang Laa nwang naa zang ɓɔɔ ɓaa jĩng zee tɔ̃ɔ ka jaa ɓiɓɛ ɓɛɛ.

Matiyu 13:26

A zee ɓɔɔ zang jaa ɓayi naa bangkɛ tasɛ yuu, a zee lɔɔwɔ tasɛ yuu kaa jong ka teteng ɓarɛ.

Matiyu 13:27

“A zang shonang yɔɔ gãa ri naa arɛ, ri hɛ̃ɛ wu tɔɔ, ‘Dabang gãa mɔɔ ɓáa wu jĩng zee ɓɔɔ tɔ̃ɔ ka jaa ɓaaɓɛ kpang ya? Zee lɔɔwɔ a ɓi kaa nɛɛ niya?’

Matiyu 13:29

A yɔɔ gãa kasɛ ri nyaa tɔɔ, ‘Kpang, nɔɔ yaa ka nɔngkɔ, ka ruu ɓɔɔ, naa nɔɔ tɔɔ nɔɔ ruku zee lɔɔwɔ, nɔɔ daa ruku nɛɛ ɓɔɔ tɔ̃ɔ ning ɓɛɛ.

Matiyu 13:30

Nɔɔ yaa ri ka nɔngkɔ, ri bangkɛ nɛɛ zee ɓɔɔ tɔ̃ɔ gbã̀ágbãa, diki ɓɔɔ zang yee zee wu a nɛɛ mani. N naa kɔɔ zang ɓɔɔ ri yee ditɔ, nɛɛ, ri gaayu nɛɛ zee lɔɔwɔ kɔ kpalɛnang shɔɔnang. Tɔ̀ɔ, ri gɔɔ ka jɔɔ jɔɔ, ri dɔ́ɔ kati. Ri ti kpalɛ zee ɓɔɔ tɔ̃ɔ ɓi kaa bɔ̃nɔ mɛɛ.’ ”

Matiyu 13:39

Zang ɓɔɔ shing jĩng nɛɛ wu kpang, ɓɔɔ ɓaa zee lɔɔwɔ, kaɓa, ɓi Sheetang. Diki zee yeenang, ɓi kaa diki ɓɔɔ koolaa naa waa nyaa ɓɛɛ. Zang zee yeenang ɓi ti kaa zang nyaa shonang Laa ɓɔɔ ri ka lapa ɓɛɛ.

Matiyu 25:5

“Ri daa nwang tɔ, a sinyɛ ɓeevɛ a pati kpang, a hingro naa yiki ri.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.