Matiyu 13:23 - Nyaa Shɔɔ Ɓɔɔ Laa a Ɓɛɛ

²³ Jĩng vuu ɓɔɔ shili ka tipi tɔ̃ɔ, ɓi ka zang ɓɔɔ tãa Ruu Laa, a ti zi vuu ɓɔɔ kagn katɔ ɓɛɛ. Ruu Laa nwang ri vuu tɔ̃ɔ, a ri naa nwang ka naa jĩng vuu ɓɔɔ ra jaa, laa maani, ɓɔɔ laa taati, a ɓɔɔ bmati tu kopi ɓɛɛ.”

Matiyu 13:23 Σταυροειδείς Αναφορές

Matiyu 12:33

“Láa nɛɛ tɔ̃ɔ, ti naa ra jaa ɓi doo tɔ̃ɔ kɔ. Laa nɛɛ shi kpang, ti naa ra jaa ɓi doo shi kpang kɔ. Ka ruu ɓɔɔ, zang zi laa nung ɓi ka jaa ɓɔɔ wu ra ɓɛɛ.

Matiyu 13:8

Jĩng vuu ɓɔɔ ri shili ka tipi tɔ̃ɔ, a ri naa shing jĩng. Ɓɔɔ jĩng ɓiɓɛ laa maani, ɓɔɔ laa taati, a ɓɔɔ bmati tu kopi.

Matiyu 3:10

Kãntang keɓe, zang ɓáa nyaa kãasãng tɔ ka dimbang laa, laa piti ɓɔɔ ra jaa tɔ̃ɔ kpang, zang dɔngnɛ zang tasɛ ka yeti waa.

Matiyu 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ.

Maraku 10:15

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ ta Laa nɛɛ wukɔ Kpanti naa jaa tɔkɔlɔng kpang, Laa naa nwang Kpanti ɓiɓɛ kpang.”

Maraku 4:20

Zang ɓɔɔ ri nwang ɓarɛ naa jĩng vuu ɓɔɔ shili ka tipi tɔ̃ɔ ɓɛɛ. Ri tãa Ruu Laa, ri tarɛ, Ruu Laa nwang ri vuu tɔ̃ɔ, ri naa nwang ka naa jĩng vuu ɓɔɔ ra jaa bmati tu kopi, ɓɔɔ laa taati, a ɓɔɔ laa maani ɓɛɛ.”

Luka 13:9

Sãmpo nɛɛ naa ra jaa tɔ, wukɔ tɔ̃ɔ. Nɛɛ naa ra jaa doo kpang kɔ, n naa dɔng kati.’ ”

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Luka 8:8

Jĩng vuu ɓɔɔ ri shili ka tipi tɔ̃ɔ. Ri bangkɛ ri tasɛ yuu. Ri shing jĩng gaagaa, ɓa ɓɔɔ tĩng shɔɔnang katɔ dakn laa maani.” Ɓɔɔ wu kɔɔ tɔ naa weɓe, a naa kɔɔ ri nabm tɔɔ, “Zang ɓɔɔ shoo ɓiɓɛ nɛɛ kagn wu tãayi.”

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 8:47

Zang ɓɔɔ ɓi zang Laa, ɓaa shoo ɓi ka Ruu Laa. Nɔɔ manɛ zang Laa kpang, ka ruu nɔngkɔ, nɔɔ kasɛ shoo ɓaanang ka ruu mɛɛ kpang.”

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

2 Koranti 9:10

Laa kɔ a zang jĩng vuu, zang ɓàayi, wu ti a wu vuu shaanang, wu shaayi. Ka ruu nɔngkɔ, Laa naa a nɔɔ jĩng vuu ɓɔɔ nɔɔ kasɛ ɓaanang ɓɛɛ ditɔ nandon, wu ti shingnɛ, vuu ɓɔɔ takɛ wu bangkɛ. Ka naa weɓe, Laa shingnɛ, vuu ɓɔɔ nɔɔ a zang nɛɛ yeti gbete, nɔ́ɔ a zang kaa dɔɔli.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

2 Tesalonika 2:10

Naa nwãarɛ zang ɓɔɔ ri naa shaarɛ katɔ ɓɛɛ, nɛɛ zɔ̃ng nwannang ɓɔɔ a nɛɛ bii vuu shi kpang ɓɛɛ, ka zɔ̃ng zɔ̃ng. Ri shaarɛ ka ruu ɓɔɔ ri kasɛ ruu ɓɔɔ niizang a ri ti tarɛ, tɔɔ zang ta yuu ɓarɛ kati kpang ɓɛɛ.

Yahudi 4:2

Ka ruu ɓɔɔ, zang kɔɔ ruu Ruu Tɔ̃ɔ Laa tɔ jong, naa ɓɔɔ zang kɔɔ ri ɓɛɛ. A rúu ɓɔɔ ri tãayi nwàng ri vuu ɓɔɔ kaa takpang, ka ruu ɓɔɔ, zang ɓɔɔ ri tãayi, ri shing danggn kpang ɓɛɛ.

Yahudi 6:7

Tipi ɓɔɔ ɓoo mii lapa, ɓɔɔ a ka yuu ɓiɓɛ diki diki, a pàlɛ́ zang ɓɔɔ ri lang wu, vuu shaanang ɓɔɔ tɔ̃ɔ. Zang kɔɔ katɔ nɛɛ, Laa pàlɛ́ tipi keɓe tɔ̃ɔ.

Yahudi 8:10

Laa ti kɔɔyi tɔɔ, Wee nyaa ɓɔɔ n naa mã nɛɛ zang Isirela ka rɛɛ diki ɓɔɔ naa a ɓɛɛ kɔ. N naa shǐng ri rɛɛ nyaa dannang mɛɛ ka yeti ɓarɛ a n beere ka ɓoro ɓarɛ. N naa nwáng Laa ɓarɛ, a ri nwang ɓarɛ kaa zang mɛɛ.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.