Matiyu 13:21 - Nyaa Shɔɔ Ɓɔɔ Laa a Ɓɛɛ

²¹ A zi vuu ɓɔɔ ka yeti ruu kaɓa tɔ̃ɔ tɔ̃ɔ kpang, ka ruu nɔngkɔ, mã danggn ka naa lapa kɔ shɛ̃ɛning. A jĩng dannang, nɛɛ zang kpãanang naa seepaa ka ruu, Ruu Kpanti Laa, a tantɛ Ruu Laa yaanang.

Matiyu 13:21 Σταυροειδείς Αναφορές

Matiyu 10:22

Zang piti ri naa bɛ̃ɛ nɔɔ ditɔ, ka ruu nung mɛɛ. Shɔnzang ɓɔɔ nɛɛ mã danggn sasak, wukɔ naa wɔrɛ.

Matiyu 11:6

Tĩnang tãanang, ɓi ɓɔ̀ɔ́ zang ɓɔɔ yaa danggn naa, ka ruu mɛɛ kpang ɓɛɛ.”

Matiyu 13:20

Jĩng vuu ɓɔɔ shili ka yuu pɛngkɛ ɓɔɔ zũng tapuru kagn dɔɔli kpang, ɓi kaa zang ɓɔɔ tãa Ruu Laa, a ta nɛɛ yeti gbete tantɛnang ɓɛɛ.

Matiyu 13:57

A ri bɛ̃ɛ wu kati. Yeesɔ kɔɔ ri tɔɔ, “Zang a zang nyaa shonang Laa bannang ka nɔng ɓɔɔgn piti, ɓi zang gari ɓiɓɛ nɛɛ zang yeti gãa ɓiɓɛ kɔ, a wu bannang ɓi kpang.”

Matiyu 13:6

A ɓɔɔ laa naa tuuyi ri tɔɔrɔ, ri waatɛ, ka ruu ɓɔɔ, shɔng ɓarɛ daa tipi dii kpang ɓɛɛ.

Matiyu 24:13

A zang ɓɔɔ nɛɛ naa mã danggn sasak, wukɔ naa wɔrɛ.

Matiyu 26:31

A Yeesɔ kɔɔ ri tɔɔ, “Lɛɛkɔ nɛɛ zĩi, nɔɔ naa yuku ditɔ nandon nɔɔ yaa m. Laa kɔɔ nɔngkɔ ka yeti labeenang ɓiɓɛ tɔɔ, “ ‘N nyɔ jagãng vɔrɔ ditɔ, tɔɔ mɛ̀ɛrɛ́ ri naa tantɛ kati.’

Matiyu 26:33

A Bituru kɔɔ wu tɔɔ, “Naa ri yuku doo piti ri yaa mɔɔ, n yaa mɔɔ m kpang.”

Maraku 4:17

Ri zi vuu ɓɔɔ ka yeti ruu kaɓa tɔ̃ɔ tɔ̃ɔ kpang, ka ruu nɔngkɔ, ri mã danggn ka naa lapa kɔ shɛ̃ɛning. A jĩng dannang naa seepaa ka ruu Kpanti Laa, ri tantɛ Ruu Laa yaanang.

Luka 8:13

Jĩng vuu ɓɔɔ shili ka yuu tipi pɛngkɛ, nwang naa zang ɓɔɔ ri tãa Ruu Laa, a ri ta nɛɛ yeti gbete ɓɛɛ. A ri nwang ɓarɛ naa jĩng vuu ɓɔɔ ɓaa dĩiri tɔ̃ɔ tɔ̃ɔ kpang ɓɛɛ. Ri shing danggn ɓarɛ ka naa lapa kɔ shɛ̃ɛning. Ri yaa gbalang Laa ka diki ɓɔɔ zang gãsɛ danggn ɓarɛ ɓɔɔ ri shing ka bii Laa ɓɛɛ.

Yɔhana 6:26

Yeesɔ kɔɔ ri tɔɔ, “N kɔ̀ɔ́ nɔɔ ruu ɓɔɔ niizang kɔ nwani, nɔɔ kãa m ka ruu ɓɔɔ nɔɔ zi vuu ɓɔɔ zang zirɛ zang mã naa ka danggn ɓɔɔ n pálɛ̀ ɓɛɛ kpang. Nɔɔ kãa m manɛ ka ruu borodi ɓɔɔ nɔɔ nɛɛ shaa ka buru gaagaa ɓɛɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Galati 6:12

Ɓi zang ɓɔɔ ri dɔ̀ɔ́ bii nɛɛ vuu ɓɔɔ ri palɛ nɛɛ jĩng zang wu zirɛ ɓɛɛ, ri kãa gbalang nɛɛ ri mã nɔɔ nyaa nɛɛ kaka, nɛɛ nɔ́ɔ yee shaa. Ri palɛ ɓarɛ, ka ruu ɓɔɔ, ri kasɛ nɛɛ zang dang ri jĩng naa ɓɔɔ zang ɓaa Yeesɔ Kirisi naa ka laa kpang ɓɛɛ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Afisa 3:17

Tɔ̀ɔ, Kirisi wu nwang kaa yeti manɛ ka ruu danggn ɓɔɔ nɔɔ shing ka bii ɓiɓɛ ɓɛɛ. N gaa Laa wu shingnɛ, nɔ́ɔ nwang naa laa ɓɔɔ dĩiri ɓiɓɛ yi naa tipi gbãng gbãng ka zɔɔ manɛ. Nɔ́ɔ ti nwang kaa naa gãa ɓɔɔ zang loo doo ɓiɓɛ ka yuu zɔɔ kasɛnang ɓɛɛ.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

2 Timoti 1:15

Mɔɔ zi tɔ nɛɛ, rɛɛ Figelu nɛɛ Hamɔgini nɛɛ zang ɓɔɔ ri dũng Laa ka tipi Asiya nandon, ri yaa m tɔ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Yakubu 3:2

Ka ruu ɓɔɔ rùu nandon jĩng kpantɛ ruu katɔ diki diki ɓɛɛ. Zang ɓɔɔ nɛɛ tɔɔ, nyaa kpantɛ wu ɓi jong ka nɔng yee rannang kpang, zang keɓe ɓi shɔnzang tɔ̃ɔ ka vuu ɓɔɔ wu palɛ ɓɛɛ. Zunung naa ɓɔɔ wu shing yuu ɓiɓɛ katɔ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.