Matiyu 13:11 - Nyaa Shɔɔ Ɓɔɔ Laa a Ɓɛɛ

¹¹ A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.

Matiyu 13:11 Σταυροειδείς Αναφορές

Matiyu 13:10

A zang ɓɔɔ ri mantɛ vuu ka bii Yeesɔ naa a ka bii ɓiɓɛ, a ri hɛ̃ɛ wu tɔɔ, “Mɔɔ rang zang yee nɛɛ nyaa vuu jeenang ka ruu viya?”

Matiyu 16:17

Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 19:11

Yeesɔ naa risi nyaa kɔɔ ri tɔɔ, “Wu shɔnzang piti zunung ruu keɓe tanang kpang, ɓi zang ɓɔɔ Kpanti Laa a ri naa kɔ ta shɛ̃ɛning.

Matiyu 20:23

Yeesɔ kɔɔ ri tɔɔ, “Nɔɔ dang jĩng ɓi katɔ nɔngkɔ, a ɓɔɔ nwannang ka naa nakn, nɛɛ naa nagang mɛɛ, ɓi nkɔ a zang naa kpang. Nɔng nwannang keɓe, ɓi ɓɔ̀ɔ́ zang ɓɔɔ Daa mɛɛ palɛ ri ɓɛɛ.”

Maraku 10:40

Ɓɔɔ nwannang manɛ ka naa nakn nɛɛ naa nagang mɛɛ, ɓi nkɔ a zang naa kpang. Nɔng nwannang keɓe, ɓi ɓɔ̀ɔ́ zang ɓɔɔ Laa pàlɛ̀ ri ɓɛɛ.”

Maraku 4:11

Yeesɔ kɔɔ ri tɔɔ, “Laa a nɔɔ kɔ naa zinang ruu ɓɔɔ zang waasɛ katɔ ka yuu kpanti ɓɔɔ Laa rooyi ɓɛɛ, a vuu piti, zang tusu zang ɓɔɔ ri dũng Laa kpang ɓarɛ nɛɛ nyaa vuu jeenang.

Luka 8:10

A Yeesɔ kɔɔ ri tɔɔ, “Ruu ɓɔɔ zang waasɛ katɔ ka yuu Kpanti ɓɔɔ Laa rooyi, Laa a nɔkɔ naa zinang. A ɓɔɔ zang ɓɔɔgn, n rang ri yee ɓi nɛɛ nyaa vuu jeenang, ka ruu ɓɔɔ ri shu jĩng nɛɛ ri pɛ̃ɛrɛ vuu, ri zi kpang ɓɛɛ. Ri ɓaa shoo nɛɛ ri tãayi, ri ti zi vuu ɓɔɔ kagn kpang ɓɛɛ.”

Yɔhana 6:65

A gisi ruu keɓe tɔkn tɔɔ, “Wee vuu ɓɔɔ palɛ, n kɔɔ nɔɔ tɔɔ, naa Daa dɔ̃ zang, zang a ka bii mɛɛ kpang, zang ɓɔɔ zunung anang nɛɛ yuu ɓiɓɛ kpang kɔ.”

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

1 Koranti 15:51

Nɔɔ ɓaa shoo, n kɔɔ vuu ɓɔɔ bɛ̀ɛ́ zang waasɛ katɔ ɓɛɛ. Ruu vɔlɔ wu katɔ nandon kpang. Zang naa kɔ̃sɔ ruu bii ɓi katɔ kɔ jong nandon tantɛnang,

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

1 Koranti 4:1

N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Afisa 5:32

Ruu niizang ɓɔɔ bang, ɓɔɔ ruu keɓe nwangsɛ kagn, n zirɛ, zang rang yee ɓi ka yuu Kirisi nɛɛ zang ɓɔɔ ri dũng wu ɓɛɛ.

Afisa 6:19

A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Timoti 3:9

Ri ti yiti ruu niizang keɓe ɓɔɔ Laa nwangsɛ ka yuu danggn ɓɔɔ zang ɓɔɔ dũng wu ri shingnɛ, ri yaa gn naa kpang.

Yakubu 1:5

Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

1 Yɔhana 2:20

Kirisi a nɔɔ Suru Laa manɛ tɔ. Nɔɔ ti zi ruu ɓɔɔ niizang manɛ tɔ nandon.

1 Yɔhana 2:27

Ɓɔɔ bii manɛ Suru Laa ɓɔɔ nɔɔ ta nɛɛ bii Yeesɔ kagn yeti manɛ. Ka ruu nɔngkɔ, nɔɔ manɛ tɔ̀ɔ́ zang ɓɔɔ zang ɓɔɔgn kɔɔ nɛɛ, wu tusu nɔɔ vuu ɓɔɔ kpang. Ka ruu ɓɔɔ Suru Laa tusu nɔɔ vuu piti ɓɛɛ. Vuu ɓɔɔ Suru Laa keɓe tusu, ɓi ɓɔɔ niizang ɓɛɛ, ɓi ɓɔɔ sèé kpang. Ka ruu nɔngkɔ, nɔɔ nwang nɛɛ Kirisi ka nyaa zɔɔ naa ɓɔɔ Suru Laa tusu nɔɔ ɓɛɛ.