Matiyu 12:25 - Nyaa Shɔɔ Ɓɔɔ Laa a Ɓɛɛ

²⁵ Yeesɔ zi vuu ɓɔɔ ri rɛ̃rɛ ɓi tɔ, a kɔɔ ri tɔɔ, “Naa zang ɓɔɔ kpanti ɓarɛ gbete ri nɛɛ basɛ zɔɔ, ri shàarɛ̀ ɓarɛ tɔ. Zang gari nɛɛ basɛ zɔɔ tɔ, gari ɓarɛ shàarɛ̀ ɓi tɔ. Zang ɓɔɔ ka yeti gãa gbete nɛɛ basɛ zɔɔ tɔ, ri naa nwang ɓi takpang kɔ doori.

Matiyu 12:25 Σταυροειδείς Αναφορές

Matiyu 9:4

Yeesɔ ti zi vuu ɓɔɔ ri rɛ̃rɛ ka yeti ɓarɛ ɓi tɔ. A hɛ̃ɛ ri tɔɔ, “Nɔɔ rɛ̃rɛ vuu shi kpang vi ka yeti manɛ nɔngkɔ viya?

Maraku 2:8

Yeesɔ zi ɓi tɔ ka yeti suru bii ɓiɓɛ tantɛnang nɛɛ, ri rɛ̃rɛ ɓarɛ veɓe kɔ. A hɛ̃ɛ ri tɔɔ “Nɔɔ rɛ̃rɛ ɓu ka ruu vi, nɔngkɔ viya?

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

1 Koranti 2:11

Zang ɓɔɔ kagn ɓɔɔ ri zi vuu ɓɔɔ zang ɓɔɔgn rɛ̃rɛ ɓɛɛ kpang, ɓi suru zang kaɓa kɔ zi shɛ̃ɛning. Laa doo nɔngkɔ, zang ɓɔɔ zi rɛ̃rɛnang Laa kpang, ɓi Suru ɓiɓɛ kɔ zi gbete.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 16:19

Gari bang kaɓa puusu taati, a rɛɛ gari nandon, ɓɔɔ ka tipi piti ka koo ri ti jili. Laa kpaa danggn gari bang kaɓa ɓɔɔ zang ɓaa nɛɛ Babila ɓɛɛ. A á wu waka ɓɔɔ yi nyaa nɛɛ gnvɔ ɓiɓɛ. Jĩng dannang a kaa gari kaɓa, a shing ri, ri dang jĩng, ri hangsɛ naa ɓɔɔ zang ɓoo saa kaa waka ɓɔɔ la katɔ, zang kusu ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.