Matiyu 12:20 - Nyaa Shɔɔ Ɓɔɔ Laa a Ɓɛɛ

²⁰ Ti naa ka lagaa ɓɔɔ lang katɔ kpang. Ti naa ningsi waa zàáng sɔɔ ɓɔɔ ning kana kpang. Wu ti yi tĩng nɛɛ Ruu Laa sasak, zang piti ri zi ruu ɓɔɔ niizang nɛɛ mani.

Matiyu 12:20 Σταυροειδείς Αναφορές

Matiyu 11:28

“Nɔɔ a ka bii mɛɛ, zang piti ɓɔɔ dang jĩng, a ti rɛ̃rɛ dɔɔli ɓɛɛ, n á nɔɔ ɔ̃sɔnang katɔ.

Matiyu 11:7

Zang ɓɔɔ ri mantɛ vuu ka bii Yɔhana naa seepaa daanang tɔ, a Yeesɔ naa kɔɔ zang dɔɔli ɓɔɔ ri kpalɛ zɔɔ ka bii ɓiɓɛ ruu Yɔhana kati. Yeesɔ tɔɔ, “Nɔɔ dàa ɓu vi zinang ka jĩngti viya? Lagaa ɓɔɔ jasung zĩiti ɓɛɛ ya?

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

2 Koranti 2:7

Kãntang keɓe, nɔɔ yaa wu gbalang ta, nɔɔ mã wu danggn, tɔ̀ɔ, rɛ̃rɛnang dɔɔli wu ɓa kaka ɓiɓɛ kpang.

Vuu ɓɔɔ zang nwangsɛ Yɔhana 6:2

N shing jĩng tɔkn a n zi gbantang puru a kana. Zang ɓɔɔ vang ka dakn gbantang kaɓa yiti taka ka naa, a zang kãng wu lapoo yuu kpanti ɓɔɔ zang palɛ nɛɛ zinariya ka yuu. Árɛ, mɔɔ kɔɔ nɛɛ zang ɓɔɔ shaarɛ zang ka nyaa sĩiri diki diki ɓɛɛ, a daayi nɛɛ tɔ̀ɔ wu daa shaa zang tɔkn ka nɔng sĩiri.