Matiyu 12:18 - Nyaa Shɔɔ Ɓɔɔ Laa a Ɓɛɛ

¹⁸ “Wee zang shonang mɛɛ ɓɔɔ n zɔ̃ngnɛ, n ti kasɛ ruu ɓiɓɛ gbãng gbãng kɔ. N a wu suru mɛɛ ditɔ, wu tusu zang doo laa ɓɔɔ ka koo keɓe piti, ruu ɓɔɔ niizang kati.

Matiyu 12:18 Σταυροειδείς Αναφορές

Matiyu 12:17

Vuu kɔ Yeesɔ palɛ ɓee, ɓèe ɓi kaa nyaa vuu ɓɔɔ Ishaya zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Laa kɔɔyi tɔɔ,

Matiyu 17:5

Bituru rang yee doo naa nyaa, sãmbong ɓɔɔ puru shãa shãa arɛ naa zuu ri kati. A ri tãa yee nɛɛ yeti sãmbong nɛɛ, “Wee Jaa mɛɛ ɓɔɔ yeti mɛɛ kasɛ gbãng gbãng kɔ. N tãa tĩnang ɓiɓɛ dɔɔli. Nɔɔ ɓaa shoo ka nyaa ɓiɓɛ ning.”

Maraku 1:11

A ri ti tãa yee nɛɛ lapa tɔɔ, “Mɔkɔ jaa mɛɛ ɓɔɔ n kasɛ gbãng gbãng kɔ.”

Maraku 9:7

A sãmbong arɛ naa zuu ri kati. Ri ti tãa yee nɛɛ yeti sãmbong tɔɔ, “Wee jaa mɛɛ ɓɔɔ yeti mɛɛ kasɛ gbãng gbãng kɔ, nɔɔ ɓaa shoo ka nyaa ɓiɓɛ ning.”

Luka 23:35

Zang ri shii nɛɛ dalɛ, ri pɛ̃ɛrɛ, a rɛɛ zang bang bang zang Yahudi ri kpaa wu tɔɔ, “Ta yuu zang, wu ta yuu ɓiɓɛ lɛ̀ɛ́ ta jong, wukɔ nɛɛ Kirisi, Jaa Laa ɓɔɔ Laa zɔ̃ng wu katɔ ɓɛɛ.”

Luka 3:22

a Suru Laa shooro kaa naa koro ka yuu ɓiɓɛ. A ri tãa yee nɛɛ lapa nɛɛ, “Mɔkɔ Jaa mɛɛ ɓɔɔ yeti mɛɛ kasɛ gbãng gbãng ɓɛɛ.”

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 9:35

Ri tãa yee nɛɛ yeti sãmbong tɔɔ, “Wee Jaa Mɛɛ ɓɔɔ N zɔ̃ng ɓɛɛ kɔ, nɔɔ ɓaa shoo ka nyaa ɓiɓɛ ning.”

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Afisa 1:6

Ruu dɔɔ Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, ka ruu vuu ɓɔɔ, wu a ruu naa ka zingzing nɛɛ bii Jaa ɓiɓɛ ɓɔɔ wu kasɛ wu dɔɔli ɓɛɛ.

Kolosi 1:1

Labeenang keɓe nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ, a ɓɔɔ kaa manzung ɓuru Timoti.

Kolosi 1:13

Tà yuu ɓuru nɛɛ nɔng ɓɔɔ tɔ̀ɔ katɔ ɓɛɛ, atɛ ruu ka nɔng ɓɔɔ Jaa ɓiɓɛ ɓɔɔ wu kasɛ dɔɔli, roo kpanti ɓɛɛ.

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.

2 Bituru 1:17

Ka diki ɓɔɔ Laa tusu ruu bannang nɛɛ naa vuu palɛnang Yeesɔ Kirisi ɓɛɛ, ruu ka nɔng. Ruu ti tãa katɔ ka ɓɔɔ, Laa ɓɔɔ ɓa zang piti bannang kɔɔyi ɓɛɛ nɛɛ, “Wee Jaa mɛɛ ɓɔɔ n kasɛ katɔ gbãng gbãng ɓɛɛ kɔ, shing m n tãa tĩnang dɔɔli.”