Matiyu 11:8 - Nyaa Shɔɔ Ɓɔɔ Laa a Ɓɛɛ

⁸ Nɛɛ nɔngkɔ kpang, nɔɔ daa vi zinang viya? Nɔɔ daa zang ɓɔɔ hãa fɔ̃ɔrɔ tɔ̃ɔ tɔ̃ɔ zinang ya? Zang ɓɔɔ ri hãlɛ fɔ̃ɔrɔ tɔ̃ɔ tɔ̃ɔ, ri nwalɛ ɓarɛ ka gãa rɛɛ kpanti.

Matiyu 11:8 Σταυροειδείς Αναφορές

Matiyu 11:7

Zang ɓɔɔ ri mantɛ vuu ka bii Yɔhana naa seepaa daanang tɔ, a Yeesɔ naa kɔɔ zang dɔɔli ɓɔɔ ri kpalɛ zɔɔ ka bii ɓiɓɛ ruu Yɔhana kati. Yeesɔ tɔɔ, “Nɔɔ dàa ɓu vi zinang ka jĩngti viya? Lagaa ɓɔɔ jasung zĩiti ɓɛɛ ya?

Matiyu 11:9

A nɔɔ daa ɓu vi zinang viya? Nɔɔ daa ka ruu zang nyaa shonang Kpanti Laa zinang ya? Nɔ́ngkɔ̀, n kɔɔ nɔɔ, zang nyaa shonang Laa kɔ, ti ɓa zang nyaa shonang Laa ɓi katɔ.

Matiyu 3:4

Yɔhana hãa fɔ̃ɔrɔ ɓɔɔ zang palɛ nɛɛ shãngti vuu vaa ɓɔɔ zang ɓaa nɛɛ hòlòng ɓɛɛ, a ti mã guruji ka sang ɓiɓɛ. Vuu shaanang ɓiɓɛ ɓi zɔɔrɔ nɛɛ mii warɛ.

Luka 7:25

Nɛɛ nɔngkɔ kpang, nɔɔ daa ɓu vi zinang viya? Nɔɔ daa ka ruu zang ɓɔɔ hãa fɔ̃ɔrɔ tɔ̃ɔ, tɔ̃ɔ ɓɛɛ ya? Zang ɓɔɔ ri hã̀alɛ́ fɔ̃ɔrɔ tɔ̃ɔ tɔ̃ɔ, ri ti tãa tĩnang vuu naa ɓarɛ ɓɔɔ gaagaa, ri nwalɛ ɓarɛ ka dàbang kpanti.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”