Matiyu 11:23 - Nyaa Shɔɔ Ɓɔɔ Laa a Ɓɛɛ

²³ A ɓɔɔ manɛ, zang Kafanahu, zang naa tuu nɔɔ ditɔ ka lapa ya? Kpang. Zang naa tasɛ nɔɔ ka yeti waa bang kɔ jong. Zang nɛ̀ɛ́ palɛ vuu bang kɔ zang mã naa ka danggn ɓee, ka Sɔɔdom, zang Sɔɔdom ri nɛɛ doogn diki keɓe.

Matiyu 11:23 Σταυροειδείς Αναφορές

Matiyu 10:15

N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Matiyu 17:24

Yeesɔ naa a tɔ Kafanahu nɛɛ zang ɓɔɔ ri mantɛ vuu ka bii ɓiɓɛ. Zang ɓɔɔ ri talɛ saka gãa Laa, ri arɛ ri naa hɛ̃ɛ Bituru tɔɔ, “Maalang manɛ shu saka gãa Laa ɓi kpang ya?”

Matiyu 4:13

Yaa Nazara, a daa nwang ka Kafanahu ɓɔɔ ka nyaa mii waapo ɓɔɔ ka tipi Zebuluna nɛɛ Nafitali ɓɛɛ.

Matiyu 8:5

Yeesɔ shɛ̃ɛ Kafanahu tɔ, a yɔɔ zang bang sɔɔja naa a ka bii ɓiɓɛ, nɛɛ Yeesɔ wu yi wu naa jong bii.

Luka 10:15

Zang gari Kafanahu, nɔkɔ naa ɓa rɛɛ gari ɓɔɔ nandon nɛɛ bannang ya? Kpang, Laa naa tasɛ nɔɔ ka waa kɔ jong.”

Luka 14:11

Ka ruu ɓɔɔ, zang ɓɔɔ nɛɛ tuu yuu ɓiɓɛ, zang naa sɔɔrɔ wukɔ yuu ka dii ɓɛɛ. Zang ɓɔɔ sɔɔrɔ yuu ɓiɓɛ ka dii, zang naa a wukɔ bannang jong.”

Luka 16:23

A suru ɓiɓɛ daa ka yeti waa ɓɔɔ ning ɓi jɔng kpang. Dang jĩng kana, a tuu jĩng ka lapa zi Liyazaru nwang tɔ ka kagn Ibirayi nɛɛ nɔng beebang.

Luka 4:23

A kɔɔ ri tɔɔ, “N zi tɔ, nɔɔ naa kɔɔ m nyaa vuu jeenang keɓe ditɔ nɛɛ, ‘Zang bii masɛnang, wu masɛ bii ɓiɓɛ ta.’ Nɔɔ ti naa kɔɔ m ɓɔɔ ditɔ nɛɛ vuu ɓɔɔ mɔɔ palɛ ka Kafanahu ɓɔɔ ruu tãayi, palɛ ta ka gari kɔ zang yi mɔɔ kagn ɓee.

Zang Shonang Yeesɔ 2:27

Ka ruu ɓɔɔ, mɔɔ yaa m ka nɔng vɔrɔ kpang ɓɛɛ, mɔɔ ti yaa vɔrɔ zang tɔ̃ɔ ɓaaɓɛ wu pũng ka sàa kpang.

Zang Shonang Yeesɔ 2:31

Dawuda naa zi vuu ɓɔɔ Laa naa palɛ ka tĩng ɓɛɛ, a rang ruu ka yuu naa ɓɔɔ zang wisi Kirisi paa ɓɛɛ. Dawuda kɔɔyi tɔɔ, “ ‘Zang naa yáa wu ka sàa kpang, bii ɓiɓɛ ti pũng kpang.’

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 11:8

Zang naa yaa vɔrɔ ɓarɛ ka gbalang ɓɔɔ ka yeti gari bang kaɓa, ɓɔɔ nɛɛ nyaa vuu jɛ̃ɛnang, zang ɓaa nɛɛ Sɔɔdom nɛɛ Masara ɓɛɛ. Nɔng ɓɔɔ zang ɓáa kpanti ɓarɛ naa ka laa kagn ɓɛɛ.

Vuu ɓɔɔ zang nwangsɛ Yɔhana 20:13

A waapo nwangsɛ rɛɛ vɔrɔ zang ɓɔɔ ri vɔlɔ ka yeti ɓiɓɛ ɓɛɛ. A vɔrɔ nɛɛ koo suru zang ɓɔɔ ri vɔlɔ tɔ ɓɛɛ, ri nwangsɛ vɔrɔ ɓarɛ jong, a zang jɛ̃ɛ ri ruu ka doo shonang ɓɔɔ ri palɛ ɓɛɛ.

Vuu ɓɔɔ zang nwangsɛ Yɔhana 6:8

N shing jĩng tɔkn, a n zi gbantang bii shànkalàng. Zang ɓɔɔ vang ka dakn ɓiɓɛ zang ɓaa wu nɛɛ vɔrɔ. A zang ɓɔɔ zang ɓaa wu nɛɛ koo rɛɛ suru zang ɓɔɔ ri vɔlɔ tɔ ɓɛɛ, dũng wu ka knti naabm. A zang a ri naa nɛɛ ri roo kpanti ka koo dang gbete, naa zang basɛ koo keɓe nɔng dɛ̃ɛti ɓɛɛ. Nɛɛ ri nyɔ̀kɔ̀ zang ɓɔɔ ri ka nɔng kaɓa vɔrɔ nɛɛ yere bang, a ɓɔɔ nɛɛ nyɔkɔ bang. Ɓɔɔ nɛɛ kɔnang, nɛɛ ri shing ɓɔɔ, yɔpɔ kpaasi ɓɔɔ shaa varɛ dɔɔli, ɓɔɔ ri ka koo keɓe, ri nyɔkɔ zang.