Matiyu 11:21 - Nyaa Shɔɔ Ɓɔɔ Laa a Ɓɛɛ

²¹ “Vuu gn kɔnang kagn yuu manɛ zang gari Korazing nɛɛ Bɛsɛda. Naa vuu bang ɓɔɔ zang zirɛ zang mã naa ka danggn kɔ zang palɛ ka teteng manɛ ɓee, zang nɛɛ palɛ nɔngkɔ ka Taya nɛɛ Sidong, zang ɓarɛ nɛɛ kɔ̃sɔ yeti tɔ, ri nɛɛ yaa vuu shi kpang ɓarɛ tɔ tɛ̃ɛ tɛ̃ɛ. Ri nɛɛ ti hãa sɛ̃ɛ fɔ̃ɔrɔ yeti lasɛnang tɔ. Ri nɛɛ ti tɛ̃ɛ pũngku tɔ ka yuu ɓarɛ, nɛɛ tɔ̀ɔ, zang zi kati nɛɛ ri yaa vuu shi kpang ɓarɛ tɔ ɓɛɛ.

Matiyu 11:21 Σταυροειδείς Αναφορές

Matiyu 11:22

N kɔ̀ɔ́ nɔɔ, ka diki ɓɔɔ Kpanti Laa naa jɛ̃ɛ zang ruu, gn zang Taya nɛɛ Sidong naa kɔng wu ɓa ɓɔɔ manɛ katɔ.

Matiyu 15:21

A Yeesɔ seepaa nɛɛ nɔng kaɓa, daa ka tipi Taya nɛɛ Sidong.

Matiyu 18:7

Jĩng dannang kagn yuu koo keɓe, ka ruu vuu ɓɔɔ nwãarɛ zang ka yeti ɓiɓɛ ɓɛɛ. Vuu ɓɔɔ naa weɓe, a ɓi katɔ, a jĩng dannang kagn yuu shɔnzang ɓɔɔ vuu keɓe a nɛɛ bii ɓiɓɛ ɓɛɛ.

Matiyu 26:24

Jaa Shɔnzang naa vɔ katɔ naa ɓɔɔ Labeenang Kpanti Laa kɔɔ ɓɛɛ. A jĩng dannang kagn yuu zang ɓɔɔ naa nyɔ yuu Jaa Shɔnzang ɓɛɛ. Zang nɛɛ yi zang kaɓa kpang kɔ gbã̀ágbãa, wukɔ nɛɛ daa wu.”

Maraku 3:8

nɛɛ gari Urushalima nɛɛ tipi Idumiya, nɛɛ tipi ɓɔɔ rang Urudung ka wu nɛɛ paa ɓɔɔ laa nwangnɛ mani ɓɛɛ, nɛɛ ɓɔɔ kiiri rɛɛ gari Taya nɛɛ Sidong nyaa ka teteng ɓɛɛ. Zang dɔɔli keɓe, ri a ka bii Yeesɔ, ka ruu ɓɔɔ, ri tãa ruu vuu ɓɔɔ wu palɛ ɓɛɛ.

Maraku 6:45

A kɔɔ zang ɓɔɔ ri mantɛ vuu ka bii ɓiɓɛ tantɛnang nɛɛ ri vang tonsi ta ri daa gari Bɛsɛda ɓɔɔ ka nyaa rang dang ɓɛɛ ka tĩng. Nɛɛ wu jee zang ɓɔɔ ri kpalɛ zɔɔ doo nyaa ka gbongkarɛ.

Maraku 7:24

A Yeesɔ naa seepaa nɛɛ nɔng kaɓa, daa ka tipi Taya nɛɛ tipi Sidong. A daa hãa nyaa ka yeti gãa, kasɛ nɛɛ zang ɓɔɔ wu zi nɛɛ wu ka nɔngkɔ kpang. Zang ti naa zi ɓiri, nɛɛ wu kagn nɔngkɔ.

Maraku 7:31

A Yeesɔ yaa tipi Taya, nɛɛ wu daa kaa nyaa waapo Galili a sɔɔ kaa nɛɛ tipi Sidong nɛɛ tipi Dekapoli (rɛɛ gari kopi).

Maraku 8:22

Ri naa a ka Bɛsɛda. Zang atɛ wu zang ɓɔɔ jĩng ringtang, a zang gaa wu, nɛɛ wu lee wu naa ka bii, tɔɔ wu masɛ wu kati.

Luka 4:26

a Laa shong Iliya ka bii suvɔ ɓɔɔ ka gari Zarafa ɓɔɔ ka tipi Sidong ɓɛɛ.

Luka 6:17

Yeesɔ shooro tɔ nɛɛ kɔpɔ nɛɛ zang ɓɔɔ wu shɛ̃ɛrɛ ri, a daa shii ka nyɛlɛ. Zang ɓɔɔ ri mantɛ vuu ka bii ɓiɓɛ dɔɔli, nɛɛ zang dɔɔli ɓɔɔ ri alɛ nɛɛ tipi Yahudi, nɛɛ gari Urushalima, a ɓɔɔ zang ɓɔɔ ri alɛ nɛɛ gari Taya nɛɛ Sidong ɓɔɔ ka nyaa waapo ɓɛɛ. Ri arɛ nɛɛ ri naa tãa yee Laa ɓɔɔ wu rangnɛ, nɛɛ wu ti màsɛ̀ ri kɔnang ɓarɛ.

Luka 9:10

Zang ɓɔɔ ri mantɛ vuu ka bii Yeesɔ kopi tu ziti naa gbãayu kɔɔ wu vuu piti ɓɔɔ ri palɛ ɓɛɛ. A Yeesɔ see rikɔ shɛ̃ɛning daa nɛɛ ri ka gbalang gari ɓɔɔ zang ɓaa nɛɛ Bɛsɛda ɓɛɛ.

Yɔhana 1:44

Filibu ɓi doo zang Bɛsɛda kɔ, gari rɛɛ Anduru nɛɛ Bituru.

Yɔhana 12:21

Ri daa ka bii Filibu, Filibu ɓi yɔɔ gari Bɛsɛda ɓɔɔ ka tipi Galili ɓɛɛ. A ri kɔɔ wu nɛɛ, “Maalang, ruu kasɛ Yeesɔ zinang.”

Zang Shonang Yeesɔ 12:20

Diki bee tɔ ɓɔɔ yeti Hiridu lasɛ dɔɔli nɛɛ zang Taya nɛɛ zang Sidong ɓɛɛ, ka ruu nɔngkɔ, ri see zɔɔ dɔɔli, ri daa ka bii ɓiɓɛ. Ri gaayu ri rang yee nɛɛ Balastu, yɔɔ ɓɔɔ wukɔ zang bang rɛɛ jaa doo kpanti ɓɛɛ. A ri raa bii kaa nɛɛ bii ɓiɓɛ kɔ, ri gaa kpanti kati nɛɛ wu nwang nɛɛ ri ka nyaa zɔɔ. Ka ruu ɓɔɔ, ri wàlɛ́ vuu shaanang ɓarɛ ka tipi kpanti kɔ ɓɛɛ.

Zang Shonang Yeesɔ 27:3

Ɓɔɔ nɔng naa gãntɛ, ruu shɛ̃ɛ gari Sidong. Yuliya palɛ Bulu tɔ̃ɔ. Yaa wu nɛɛ wu daa jee rɛɛ ɓeesang nyaa nɛɛ tɔɔ, ri a wu vuu ɓɔɔ wu kasɛ ɓɛɛ.

Yahuza 1:11

Jĩng dannang kagn yuu ɓarɛ. Ri sɔ̀ɔ gbalang Kayinu. Ka ruu saka ɓɔɔ ri kasɛ ɓɛɛ, ri pálɛ́ vuu shi kpang ɓɔɔ Balamu pálɛ́ ɓɛɛ tɔ. Ri taarɛ yuu naa Koora, a zang ti ningsi ri naa ɓɔɔ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”

Vuu ɓɔɔ zang nwangsɛ Yɔhana 6:12

A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.