Matiyu 11:11 - Nyaa Shɔɔ Ɓɔɔ Laa a Ɓɛɛ

¹¹ “N kɔɔ nɔɔ ruu ɓɔɔ niizang kɔ nwani, ka teteng shɔnzang ɓɔɔ zang yiki ka koo keɓe, zang ɓɔɔ ɓa Yɔhana ɓɔɔ palɛ zang batizima kagn kpang. A zang tɔkɔlɔng piti, ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Matiyu 11:11 Σταυροειδείς Αναφορές

Matiyu 11:10

Wee yɔɔ ɓɔɔ zang bee ruu ɓiɓɛ ka labeenang Laa kɔ. Laa kɔɔyi tɔɔ, ‘N shong zang shonang mɛɛ ditɔ ka tĩng ɓaaɓɛ, wu palɛ mɔɔ gbalang.’

Matiyu 11:12

Zang yeti shi kpang gaa tɔɔsung Kpanti roonang Laa lasɛnang nɛɛ diki ɓɔɔ Yɔhana ɓɔɔ palɛ zang batizima rang yee Laa ɓɛɛ. Ri ti kãa gbalang ɓɔɔ ri ta ɓɛɛ doo kana kɔ sasak.

Matiyu 3:1

Ka diki kaɓa, Yɔhana ɓɔɔ palɛ zang batizima rǎng zang yee Laa ka waala Yahudi, diki diki.

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Matiyu 5:19

Ka ruu nɔngkɔ, naa shɔnzang ɓɔɔ ɓa nyaa ɓɔɔ Laa dangnɛ, a ti tusu zang naa ɓɔɔ ri ɓa ɓɛɛ jong, wukɔ zang tɔkɔlɔng ka teteng zang ɓɔɔ Laa naa roo Kpanti ka yuu ɓarɛ ɓɛɛ. A zang piti ɓɔɔ dũng Ruu Laa keɓe, a ti tusu zang nɛɛ ri dũng jong, wukɔ zang bang ka teteng zang ɓɔɔ ri ka yeti kpanti ɓɔɔ Laa roo ɓɛɛ.

Luka 1:15

Náa nwang zang bang ka tĩng Kpanti Laa. Naa ɓoo sàa ɓi kpang. Ti naa ɓoo vuu ɓɔɔ zã katɔ ɓɔɔ palɛ zang ɓi kpang. Suru Laa naa gaayu nwannang ka bii ɓiɓɛ bɛ̀ɛ́ wu doo ka yeti niiɓɛ.

Luka 7:28

N kɔɔ nɔɔ ka teteng zang piti ɓɔɔ zang soro yiki ka koo keɓe zang ɓɔɔ ɓa Yɔhana ɓɔɔ palɛ zang batizima kagn gbete kpang. A zang ɓɔɔ wukɔ tɔkɔlɔng ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Yɔhana 1:15

Yɔhana kɔɔ zang ruu ka yuu ɓiɓɛ kɔ. Yɔhana mɛɛ nyaa ka lapa tɔɔ, “Wee zang ɓɔɔ n kɔ̀ɔ nɔɔ ruu ka yuu ɓiɓɛ kɔ. N kɔɔ nɔɔ nɛɛ, ‘Zang ɓɔɔ a ka knti mɛɛ kagn, wukɔ bang, ka ruu ɓɔɔ bɛ̀ɛ́ ɓi ka tĩng tɛ̃ɛ tɛ̃ɛ kɔ nwani ɓɛɛ.’ ”

Yɔhana 1:27

Wukɔ a ka knti mɛɛ, n daa naa ɓɔɔ n kãlɛ soo koodoo ɓiɓɛ kpang.”

Yɔhana 10:41

Zang dɔɔli ri a ka bii ɓiɓɛ, ri kɔɔrɔ nɛɛ, “Yɔhana pálɛ́ vuu ɓɔɔ zang zirɛ zang mã naa ka danggn ɓi kpang, vuu ɓɔɔ kɔɔ ka yuu yɔɔ keɓe nandon ɓi niizang kɔ nwani.”

Yɔhana 3:30

Bannang ɓiɓɛ daa ɓi ditɔ nɛɛ tĩng, n ti gbãayu m kaa nɛɛ knti kɔ jong.

Yɔhana 5:35

“Yɔhana nwáng naa waa zàáng sɔɔ ɓɔɔ shaayi, a yakɛ nɔng ɓɛɛ. Nɔɔ tãa tĩnang nwannang ka nɔng ɓɔɔ wu yakɛ ɓɛɛ, diki bee kaa tɔ̀ɔ́ dɔɔli kpang.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

1 Koranti 15:9

Ka teteng zang shonang Yeesɔ nandon, nkɔ waa nyaa knti tingkiring. N daa naa ɓɔɔ zang ɓaa m nɛɛ zang shonang Yeesɔ kpang, ka ruu ɓɔɔ, ka ting, n dang zang ɓɔɔ ri dũng Laa jĩng ɓɛɛ.

1 Koranti 6:4

Ka ruu nɔngkɔ, nɔɔ nɛɛ pálɛ̀ zɔɔ vuu, nɔɔ daa ɓaa zɔɔ nyaavaa ka bii zang ɓɔɔ ka teteng manɛ ɓɔɔ nɔɔ sèng ri kpang gbãagbãa, ri dɔng nɔɔ ruu.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

Yahudi 11:40

Laa mang vuu ɓɔɔ tɔ̃ɔ tɔ̃ɔ kagn, ɓɔɔ wu shing rùu jong kagn ɓɛɛ. Naa rùu kagn kpang, nwang nyaa kiiri kpàng.

1 Bituru 1:10

Zang nyaa shonang Laa kɔ̀ɔ zang ruu doo ka tĩng tɛ̃ɛ tɛ̃ɛ, ka yuu vuu tɔ̃ɔ ɓɔɔ Laa kɔɔyi, nɛɛ wu a nɔɔ ɓɛɛ. Zang nyaa shonang Laa keɓe ri kãa nɔng, ri hɛ̃ɛlɛ zang nɛɛ ri zǐ vuu ɓɔɔ kagn ka yuu naa ɓɔɔ Laa ta yuu zang ɓɛɛ.