Matiyu 11:1 - Nyaa Shɔɔ Ɓɔɔ Laa a Ɓɛɛ

¹ Yeesɔ hangsɛ zang kopi tu ziti ɓɔɔ ri mantɛ vuu ka bii ɓiɓɛ yee rannang tɔ, a seepaa nɛɛ nɔng kaɓa, a daa ka rɛɛ gari ɓɔɔ ka tipi Galili. Tusu zang vuu a ti rang zang yee Laa.

Matiyu 11:1 Σταυροειδείς Αναφορές

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 7:28

Ɓɔɔ Yeesɔ naa hangsɛ nyaa ruu keɓe kɔɔnang tɔ, zang ɓɔɔ ri kpalɛ zɔɔ ri mã naa ka danggn, ka ruu vuu tusunang ɓiɓɛ.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 6:12

A ri daa rang zang yee Laa kati. Ri kɔɔ zang tɔ́ɔ, zang ri yaa vuu shi kpang ɓarɛ ta, ri kɔ̃sɔ yeti ɓarɛ.

Luka 23:5

A ri yì wu tĩng ka bii nɛɛ, “Yɔɔ keɓe palɛ zang nɛɛ zang ri haa nyaa nɛɛ vuu ɓɔɔ wu tusu zang ɓɛɛ ka tipi Yahudi. Gaayu ka tipi Galili sasak, a nɔng ka nihn.”

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Yɔhana 15:14

Nɔkɔ rɛɛ masang, nɔɔ nɛɛ palɛ vuu ɓɔɔ n kɔɔ nɔɔ katɔ ɓɛɛ.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

1 Tesalonika 4:2

Nɔɔ zi nyaa ɓɔɔ ruu kɔ̀ɔ nɔɔ nɛɛ naa ɓɔɔ Kpanti Yeesɔ a ruu ɓɛɛ tɔ, naa ɓɔɔ nɔɔ nwang ɓɛɛ.

2 Tesalonika 3:10

Ɓɔɔ bɛ̀ɛ́ ruu doo nɛɛ nɔɔ, ruu kɔɔ nɔɔ tɔɔ, “Zang ɓɔɔ nɛɛ kasɛ shonang palɛnang kpang, nɔɔ a wu vuu shaanang kpang.”

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.

1 Timoti 6:14

dũng nyaa ɓɔɔ zang dang mɔɔ ɓɛɛ nandon, tɔ̀ɔ, zang ɓɔɔ wu kɔɔ kaa tɔ̀ɔ́ nɛɛ mɔɔ pálɛ́ vuu shi kpang tɔ kpang, diki ɓɔɔ Yeesɔ Kirisi nwang nyaa kagn wu a nɛɛ mani.