Matiyu 10:40 - Nyaa Shɔɔ Ɓɔɔ Laa a Ɓɛɛ

⁴⁰ “Zang ɓɔɔ ri nɛɛ tà nɔɔ, ri ta ɓi nkɔ. Zang ɓɔɔ nɛɛ tà m, ta ɓi zang ɓɔɔ shong m ɓɛɛ.

Matiyu 10:40 Σταυροειδείς Αναφορές

Matiyu 18:5

Zang piti ɓɔɔ ta jaa tɔkɔlɔng ɓɔɔ naa weɓe ka ruu nung mɛɛ, ta nkɔ.

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 25:45

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang ɓɔɔ wukɔ tɔkɔlɔng ka teteng rɛɛ manzung keɓe kpang, nɔɔ palɛ nkɔ kpang.’

Maraku 9:37

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Yɔhana 13:20

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ ta zang ɓɔɔ n shong ɓɛɛ, ta m tɔ jong. Zang ɓɔɔ nɛɛ ti ta m, ta ɓi zang ɓɔɔ shong m ɓɛɛ.”

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Galati 4:14

A nɔɔ bɛ̃ɛ m ka ɓɔɔ n kɔng vɔrɔ ɓɛɛ kpang. Kɔnang mɛɛ nwang naa vuu ɓɔɔ gãsɛ nɔɔ katɔ ɓɛɛ. Nɔɔ ta m katɔ kɔ jong naa ɓɔɔ nɔɔ nɛɛ tà zang nyaa shonang Laa ɓɔɔ ka lapa ɓɛɛ. Nɔɔ tá m naa nkɔ Yeesɔ Kirisi nɛɛ yuu ɓiɓɛ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

2 Yɔhana 1:9

Zang ɓɔɔ dũ̀ng vuu ɓɔɔ Kirisi tusu kpang, palɛ ɓi naa ɓɔɔ wu kasɛ ɓɛɛ, Laa ɓi kagn yeti ɓiɓɛ kpang. Zang ɓɔɔ dũng vuu ɓɔɔ Yeesɔ tusu, Laa kagn yeti ɓiɓɛ nɛɛ Jaa piti.