Matiyu 10:37 - Nyaa Shɔɔ Ɓɔɔ Laa a Ɓɛɛ

³⁷ “Shɔnzang ɓɔɔ kasɛ ruu diiɓɛ, kɔ niiɓɛ, ɓá ɓɔɔ wu kasɛ m katɔ, daa naa ɓɔɔ wu dũng m kpang. Zang ɓɔɔ ti kasɛ ruu jaa ɓiɓɛ ɓɔɔ varɛ kɔ ɓɔɔ soro, ɓá ɓɔɔ wu kasɛ m, daa naa ɓɔɔ wu dũng m kpang.

Matiyu 10:37 Σταυροειδείς Αναφορές

Matiyu 22:37

A Yeesɔ kasɛ wu nyaa tɔɔ, “Mɔ́ɔ kasɛ ruu Kpanti Laa ɓaaɓɛ nɛɛ yeti ɓaaɓɛ piti, nɛɛ suru bii ɓaaɓɛ piti, nɛɛ rɛ̃rɛnang ɓaaɓɛ piti.

Matiyu 22:8

“A Kpanti naa ɓaa nyaa ka zang shonang ɓiɓɛ ɓɔɔgn, a kɔɔ ri tɔɔ, ‘Zang hangsɛ kn sinyɛ palɛnang tɔ. A zang ɓɔɔ n gaarɛ ri, ri daa naa ɓɔɔ ri shaayi kaa takpang.

Luka 14:26

“Zang ɓɔɔ nɛɛ a ka bii mɛɛ, a kasɛ ruu mɛɛ ɓa ɓɔɔ wu kasɛ ruu diiɓɛ nɛɛ niiɓɛ nɛɛ ɓeeso, nɛɛ wujɛ ɓiɓɛ nɛɛ rɛɛ jaa niiɓɛ ɓɔɔ varɛ nɛɛ ɓɔɔ soro nɛɛ yuu ɓiɓɛ katɔ kpang, zunung ɓɔɔ wu nwang zang ɓɔɔ dũng m kpang.

Luka 20:35

A rɛɛ zang ɓɔɔ Laa zirɛ nɛɛ ri daa naa ɓɔɔ wu wisi ri paa katɔ, ri daa nɔng ɓɔɔ wu roo kpanti ɓɛɛ, ri gee soro ɓarɛ jong kpang. Zang ti a wujɛ soro jong, zang gee ri kpang.

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Yɔhana 5:23

Tɔ̀ɔ, zang ri á Jaa bannang kati, naa ɓɔɔ ri á Daa ɓɛɛ. Zang ɓɔɔ nɛɛ á Jaa bannang kpang, á Daa ɓɔɔ shong wu bannang doo kpang kɔ.

Vuu ɓɔɔ zang nwangsɛ Yɔhana 3:4

A zang ɓɔɔ kaa gn teteng manɛ, ka Sadisu ka nɔngkɔ, ɓɔɔ ri tɔ̀ɔ fɔ̃ɔrɔ ɓarɛ kpang ɓɛɛ. Zang kaɓa ri naa hã̀lɛ́ fɔ̃ɔrɔ puru ri rakɛ nɛɛ n, ka ruu ɓɔɔ, nwannang ɓarɛ daa naa tɔ ɓɛɛ.