Matiyu 10:3 - Nyaa Shɔɔ Ɓɔɔ Laa a Ɓɛɛ

³ nɛɛ Filibu, nɛɛ Batolomi, nɛɛ Tooma, nɛɛ Matiyu ɓɔɔ ta saka tipi ɓɛɛ, nɛɛ Yakub jaa Alifaya, nɛɛ Tadayu,

Matiyu 10:3 Σταυροειδείς Αναφορές

Matiyu 18:17

Nɛɛ ti tãa nyaa zang kaɓa kpang kɔ doori, tɔ̀ɔ mɔɔ daa kɔɔ zang Laa ɓɔɔ nimbang kati. Nɛɛ ɓaa shoo ka nyaa zang Laa ɓɔɔ nimbang kpang kɔ doori, tɔ̀ɔ mɔɔ yaa wu nɔngkɔ, naa ɓɔɔ mɔɔ yaa zang ɓɔɔ dũng Laa kpang ɓɛɛ, kɔ zang ɓɔɔ ta saka tipi ɓɛɛ.

Matiyu 27:56

Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub nɛɛ Yusufu, a ɓɔɔ nàá rɛɛ wujɛ Zebedi ri kagn.

Matiyu 9:9

Yeesɔ seepaa tɔ, daa kana gbalang, a zi yɔɔ ɓɔɔ zang ɓaa nɛɛ Matiyu nwang tɔ ki yeti jaka saka tipi tanang. A Yeesɔ ɓaa wu nyaa, kɔɔ wu tɔɔ, “Dũng m ta.” A Matiyu seepaa dũng Yeesɔ Kati.

Maraku 15:40

Zang soro ɓɔɔ kagn, ri shiiri nɛɛ nɔng beebang, ri pɛ̃ɛrɛ vuu ɓɔɔ zang palɛ Yeesɔ ɓɛɛ. Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub ɓɔɔ wujaa nɛɛ Yose, a ɓɔɔ jaa soro ɓɔɔ zang ɓaa nɛɛ Salomi, ri kagn.

Maraku 2:14

Yeesɔ rakɛ kana nyaa mii waapo, a zi yɔɔ ɓɔɔ ta saka tipi, ɓɔɔ zang ɓaa wu nɛɛ Leevi jaa Alifaya nwang tɔ ka yeti gãa saka tipi tanang. A Yeesɔ ɓaa wu nyaa, a kɔɔ wu tɔɔ, “Dũng m ta.” A Leevi seepaa dũng wu kati.

Maraku 3:18

A ɓɔɔ Anduru, nɛɛ Filibu, nɛɛ Batolomi, nɛɛ Matiyu nɛɛ Tooma, nɛɛ Yakub jaa Alifaya, nɛɛ Tadayu, nɛɛ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang ɓɛɛ,

Luka 18:10

Kɔɔ ri tɔɔ, “Zang ziti ɓɔɔgn, ri daa Laa gaanang ka Gãa Laa. Zang gbete ɓi zang Farisi, a zang gbete ɓi zang ɓɔɔ ta saka tipi ɓɛɛ.

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 18:13

“A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’

Luka 19:2

A yɔɔ zang bang zang saka tipi tanang ɓɔɔ ɓi zang ying, ɓɔɔ zang ɓaa wu nɛɛ Zaka kagn nɔngkɔ.

Luka 5:27

Yeesɔ masɛ zang ɓɔɔ bii vɔ katɔ tɔ, a seepaa daanang kati. Daa kana, a zi yɔɔ ɓɔɔ ta saka tipi ɓɔɔ zang ɓaa wu nɛɛ Leevi nwang tɔ ka yeti gãa saka tipi tanang. A kɔɔ wu tɔɔ, “Dũng m ta.”

Yɔhana 1:48

Natanalu hɛ̃ɛ wu nɛɛ, “Mɔɔ pálɛ̀ bɛ̀ɛ́ mɔɔ zi m nɔngkɔ viya?” Yeesɔ kasɛ nyaa tɔɔ, “N zi mɔɔ dòo ka doo laa sĩiri bɛ̀ɛ́ Filibu daa ɓaa mɔɔ nyaa gn kpang.”

Yɔhana 11:16

A Tooma, ɓɔɔ zang ɓaa wu nɛɛ jaa bãnang ɓɛɛ, kɔɔ rɛɛ zang ɓɔɔ wu mantɛ vuu nɛɛ ri ka bii Yeesɔ ɓɛɛ tɔɔ, “Ruu dita, ruu daa vɔ nɔɔ nɛɛ wu.”

Yɔhana 14:22

Yahuda, wu ɓɔɔ zang ɓaa wu nɛɛ Isikariyoti ɓɛɛ kpang, kɔɔ wu tɔɔ, “Kpanti, ka ruu vi mɔɔ nwàngsɛ́ rukɔ bii shɛ̃ɛning, mɔɔ nwangsɛ zang koo piti kpang viya?”

Yɔhana 14:5

Tooma kɔɔ wu tɔɔ, “Kpanti, ruu zi nɔng ɓɔɔ mɔɔ dàá ɓɛɛ kpang, a ruu zi gbalang ɓɔɔ ruu sɔɔ ɓɛɛ kaa biya?”

Yɔhana 14:9

Yeesɔ kasɛ wu nyaa tɔɔ, “Filibu, n nwáng tɔ, nɛɛ nɔɔ diki mɛɛ bee tɔ, mɔɔ zi m nung gn kpang ya? Zang ɓɔɔ nɛɛ zi m tɔ, zi Daa tɔ. A mɔɔ kɔɔ m ka ruu vi nɛɛ, n shìng nɔɔ ta, nɔɔ zi Daa nung viya?

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Zang Shonang Yeesɔ 1:13

Ri shɛ̃ɛ yeti gari tɔ, ri daa ka gãa lapa ɓɔɔ bɛ̀ɛ́ ri nwáng kagn ɓɛɛ. Zang keɓe rikɔ rɛɛ, Bituru, nɛɛ Yɔhana, nɛɛ Yakub, a ɓɔɔ Anduru, nɛɛ Filibu, nɛɛ Tooma, nɛɛ Batolomi, nɛɛ Matiyu, nɛɛ Yakub jaa Alifaya, a ɓɔɔ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang, nɛɛ Yahuda jaa Yakub.

Zang Shonang Yeesɔ 12:17

Kɔɔ ri nɛɛ naa, nɛɛ ri vɔ̃ nyaa. A kɔɔ ri naa ɓɔɔ Laa nwangsɛ wu nɛɛ sãa kati. Kɔɔ ri tɔɔ, “Nɔɔ kɔɔ Yakub nɛɛ rɛɛ manzung ɓɔɔ nimbang ruu keɓe.” A yaa ri, daa ɓi kaa nɔng ɓɔɔgn.

Zang Shonang Yeesɔ 15:13

Ri hangsɛ yee ranang tɔ, a Yakub rang yee kati tɔɔ, “Nɔɔ ɓaa shoo karɛ rɛɛ manzung.

Zang Shonang Yeesɔ 21:18

Ɓɔɔ nɔng naa gãntɛ Bulu daa nɛɛ ruu ka bii Yakub, zang bang bang zang ɓɔɔ ri dũng Laa, ri kpalɛ zɔɔ ka nɔng nandon.

Galati 1:19

N zi zang ɓɔɔ ka teteng rɛɛ zang shonang Yeesɔ kpang. N zi Yakub jaa nàá Kpanti ɓuru kɔ shɛ̃ɛning.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.