Matiyu 10:27 - Nyaa Shɔɔ Ɓɔɔ Laa a Ɓɛɛ

²⁷ Vuu ɓɔɔ n kɔɔ nɔɔ nɛɛ nwĩiri, nɔɔ dita, nɔɔ daa nwangsɛ ka dalɛ. Ɓɔɔ n ti ɓɔɔlɔ nɔɔ nyaa katɔ, nɔɔ ti daa váng ka yuu gãa nɔɔ kɔɔ zang.

Matiyu 10:27 Σταυροειδείς Αναφορές

Matiyu 24:17

Zang ɓɔɔ ka yuu gãa, wu shooro tɔ̀ɔ́ tipi, nɛɛ wu naa ya vuu ɓɔɔ ka yeti gãa ɓiɓɛ kpang.

Luka 12:3

Ka ruu nɔngkɔ, nyaa ɓɔɔ zang ɓɔɔlɔ katɔ, zang naa tãa ɓi ditɔ piti. Nɔɔ nɛɛ rang zang katɔ ka yeti gãa nɛɛ nwĩiri, zang naa kɔɔ zang nimbang ditɔ nandon.

Luka 8:10

A Yeesɔ kɔɔ ri tɔɔ, “Ruu ɓɔɔ zang waasɛ katɔ ka yuu Kpanti ɓɔɔ Laa rooyi, Laa a nɔkɔ naa zinang. A ɓɔɔ zang ɓɔɔgn, n rang ri yee ɓi nɛɛ nyaa vuu jeenang, ka ruu ɓɔɔ ri shu jĩng nɛɛ ri pɛ̃ɛrɛ vuu, ri zi kpang ɓɛɛ. Ri ɓaa shoo nɛɛ ri tãayi, ri ti zi vuu ɓɔɔ kagn kpang ɓɛɛ.”

Yɔhana 16:1

“N kɔɔ nɔɔ vuu keɓe nandon, ka ruu ɓɔɔ, zang nɛɛ dang nɔɔ jĩng, nɔɔ yaa danggn ɓɔɔ nɔɔ shing ka bii mɛɛ kpang ɓɛɛ.

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Yɔhana 16:25

“N kɔɔ nɔɔ ruu keɓe nɛɛ nyaa vuu jeenang. Diki a ka naa, ɓɔɔ n kɔ̀ɔ nɔɔ ruu tɔ̀ɔ́ nɛɛ nyaa vuu jeenang kpang ɓɛɛ. N kɔ̀ɔ́ nɔɔ ruu kaa yuu Daa mɛɛ faarik.

Yɔhana 16:29

A zang ɓɔɔ ri mantɛ vuu ka bii ɓiɓɛ, ri kɔɔ wu nɛɛ, “Mɔɔ rang yee kana faarik faarik kati. Mɔɔ ràng yee tɔ̀ɔ́ nɛɛ nyaa vuu jeenang kpang.

Zang Shonang Yeesɔ 17:17

Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 5:20

“Nɔɔ daa ka yeti Gãa Laa, nɔɔ daa shii ka nɔngkɔ, nɔɔ kɔɔ zang ruu ɓɔɔ a zang Suru bii ɓɛɛ nandon.”

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.