Matiyu 10:25 - Nyaa Shɔɔ Ɓɔɔ Laa a Ɓɛɛ

²⁵ A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 10:25 Σταυροειδείς Αναφορές

Matiyu 12:24

Ɓɔɔ zang Farisi ri tãa naa weɓe, ri tɔɔ ɓarɛ nɛɛ “Yeesɔ nwangsɛ suru shi kpang ɓi nɛɛ, naa ɓɔɔ Bahazabu Kpanti suru shi kpang a wu ɓɛɛ.”

Matiyu 12:27

Naa n nwangsɛ suru shi kpang nɛɛ naa ɓɔɔ Bahazabu kpanti suru shi kpang a m, zang ɓɔɔ ri dũng nɔɔ ri nwangsɛ ɓi kaa nɛɛ naa viya? Ka ruu nɔngkɔ, vuu ɓɔɔ zang ɓɔɔ ri dũng nɔɔ ri palɛ, wukɔ tusu nɔɔ nɛɛ ruu manɛ ɓi niizang kpang.

Matiyu 9:34

A zang Farisi ri tɔɔ, “Yɔɔ keɓe nwangsɛ suru shi kpang ɓi doo nɛɛ naa ɓɔɔ kpanti suru shi kpang a wu kɔ.”

Maraku 10:39

A ri kasɛ Yeesɔ nyaa tɔɔ, “Ruu zunung katɔ.” A Yeesɔ kɔɔ ri tɔɔ, “Nɔɔ zunung jĩng dannang ɓɔɔ n dang ɓi katɔ, zang ti naa palɛ nɔɔ batizima ɓɔɔ zang palɛ m ɓi katɔ.

Maraku 3:22

A zang ɓɔɔ ri tusu labeenang ɓɔɔ Musa beeyi, ɓɔɔ ri a nɛɛ Urushalima, ri kɔɔyi tɔɔ “Bahazabu kagn bii ɓiɓɛ. Nwangsɛ suru shi kpang ɓi nɛɛ naa ɓɔɔ kpanti suru shi kpang a wu ɓɛɛ.”

Luka 11:15

A zang ɓɔɔ ri kɔɔ ɓarɛ tɔɔ, nwangsɛ suru shi kpang nɛɛ naa ɓɔɔ Bahazabu, kpanti suru shi kpang a wu ɓɛɛ.

Luka 11:18

Naa sheetang basɛ yuu ɓiɓɛ, kpanti roonang ɓiɓɛ nwang biya? N kɔ̀ɔ́ ruu keɓe, ka ruu ɓɔɔ, nɔɔ kɔɔyi nɛɛ n nwangsɛ suru shi kpang nɛɛ naa ɓɔɔ Bahazabu a m ɓɛɛ, ɓɛɛ.

Luka 11:19

Naa n nwangsɛ suru shi kpang nɛɛ naa ɓɔɔ Bahazabu a m, zang ɓɔɔ ri dũng nɔɔ, ri nwangsɛ ɓarɛ kaa nɛɛ viya? Ka ruu nɔngkɔ, rikɔ naa nwang zang ɓɔɔ naa jɛ̃ɛ nɔɔ ruu ɓɛɛ.

Yɔhana 10:20

Zang dɔɔli ka teteng ɓarɛ ri kɔɔrɔ nɛɛ, “Suru shi kpang kagn bii ɓiɓɛ. Ɓi shoko. Nɔɔ ɓaa shoo ka ruu ɓɔɔ wu kɔɔrɔ ka ruu viya?”

Yɔhana 7:20

Zang ɓɔɔ ri kpálɛ̀ zɔɔ, ri kasɛ wu nyaa tɔɔ, “Suru shi kpang kagn bii ɓaaɓɛ ning. Wi kãa gbalang nɛɛ wu nyɔ mɔɔ vɔrɔ wiya?”

Yɔhana 8:48

Zang Yahudi ri kasɛ wu nyaa tɔɔ, “Ruu ɓɔɔ ruu kɔ̀ɔyi nɛɛ mɔɔ zang tipi Samariya, suru shi kpang ti kagn bii ɓaaɓɛ, niizang kɔ nwani kɔ.”

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?