Matiyu 10:22 - Nyaa Shɔɔ Ɓɔɔ Laa a Ɓɛɛ

²² Zang piti ri naa bɛ̃ɛ nɔɔ ditɔ, ka ruu nung mɛɛ. Shɔnzang ɓɔɔ nɛɛ mã danggn sasak, wukɔ naa wɔrɛ.

Matiyu 10:22 Σταυροειδείς Αναφορές

Matiyu 10:39

Zang ɓɔɔ nɛɛ kasɛ ruu suru bii ɓiɓɛ, walɛ ɓi kpang. A zang ɓɔɔ mãlɛ́ yuu ɓiɓɛ ka ruu nung mɛɛ, wukɔ naa wàlɛ́ jong.”

Matiyu 24:13

A zang ɓɔɔ nɛɛ naa mã danggn sasak, wukɔ naa wɔrɛ.

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Matiyu 5:11

“Tĩnang Tãanang ɓi ɓɔɔ manɛ kɔ, naa zang dãa nɔɔ, zang dang nɔɔ jĩng, a zang ti kɔɔ ruu shi kpang nɛɛ sèé ka yuu manɛ, ka ruu ɓɔɔ, nɔɔ zang mɛɛ ɓɛɛ.

Maraku 13:13

Zang piti, ri ti naa bɛ̃ɛ nɔɔ ditɔ ka ruu mɛɛ, shɔnzang ɓɔɔ mã danggn sasak wukɔ naa wɔrɛ.

Luka 21:17

Zang piti ri kasɛ ruu manɛ kpang, ka ruu mɛɛ.

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Yɔhana 17:14

N a ri nyaa ɓɔɔ mɔɔ shong m nɛɛ mani tɔ, a zang koo bɛ̃ɛ ri tɔ, ka ruu ɓɔɔ, ri ɓarɛ tɔ̀ɔ́ zang koo kpang ɓɛɛ. Naa ɓɔɔ n m zang koo kpang ɓɛɛ.

Yɔhana 7:7

Zang koo keɓe ɓɔɔ ri zi Laa kpang, ri bɛ̃ɛ nɔɔ manɛ kpang. Ri bɛ̃ɛ ɓarɛ nkɔ, ka ruu ɓɔɔ, n kɔɔrɔ ri nɛɛ vuu ɓɔɔ ri palɛ ɓi vuu shi kpang ɓɛɛ.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

2 Koranti 4:11

Ka nwannang ɓuru nandon, ruu mãlɛ́ yuu ɓuru ka naa vɔrɔ ka ruu Yeesɔ, tɔ̀ɔ, zang zi kati ka bii ɓuru ɓɔɔ vɔ katɔ keɓe, nɛɛ Yeesɔ ɓi doo ningkãari.

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

1 Yɔhana 3:13

Manzung, zang ɓɔɔ koo keɓe nɛɛ kasɛ ruu manɛ kpang, nɔɔ mã naa ka danggn kpang.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Vuu ɓɔɔ zang nwangsɛ Yɔhana 2:26

Zang piti ɓɔɔ nɛɛ ɓa yuu vuu gãsɛnang, nɛɛ ti palɛ vuu ɓɔɔ n tãa tĩnang, diki ɓɔɔ n a kagn wu a nɛɛ mani. N naa a wu naa, wu roo kpanti ka yuu rɛɛ zang tipi ɓɔɔ ka koo keɓe ɓɛɛ.

Vuu ɓɔɔ zang nwangsɛ Yɔhana 2:3

N zi tɔ nɔɔ mã danggn tɔ, nɔɔ dang jĩng tɔ dɔɔli, ka ruu nung mɛɛ, a nɔɔ ti yaa gn naa kpang.

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.