Matiyu 10:2 - Nyaa Shɔɔ Ɓɔɔ Laa a Ɓɛɛ

² Zang kopi tu ziti ɓɔɔ Yeesɔ shong ri, zang ɓaa nung ɓarɛ nɛɛ, Siman ɓɔɔ zang ti ɓaa wu nɛɛ Bituru ɓɛɛ. Wukɔ tĩng shɔɔnang, nɛɛ jaa niiɓɛ Anduru, a ɓɔɔ Yakub jaa Zebedi nɛɛ jaa niiɓɛ Yɔhana,

Matiyu 10:2 Σταυροειδείς Αναφορές

Matiyu 17:1

Diki mangbete naa ɓa tɔ, Yeesɔ daa kaa nɛɛ rɛɛ Bituru, a ɓɔɔ Yakub nɛɛ jaa niiɓɛ Yɔhana kɔ shɛ̃ɛning ka kɔpɔ beebang.

Matiyu 20:20

A soro Zebedi nɛɛ, wujɛ ɓiɓɛ ɓɔɔ varɛ, naa tang ka tĩng Yeesɔ, a gaa vuu ka naa ɓiɓɛ.

Matiyu 26:37

A Yeesɔ daa nɛɛ Bituru, nɛɛ wujɛ Zebedi ɓɔɔ ziti ɓɛɛ. A bii soo wu, gaa tɔɔsung rɛ̃rɛnang kati.

Matiyu 4:18

Yeesɔ rakɛ kana ka nyaa mii waapo Galili, a zi zang ziti, Siman ɓɔɔ zang ɓaa nɛɛ Bituru ɓɛɛ nɛɛ jaa niiɓɛ Anduru. Ri yi jaazĩi nɛɛ jang ka mii waapo, ka ruu ɓɔɔ, ri ɓarɛ zang jaazĩi yinang ɓɛɛ.

Matiyu 4:21

Nɛɛ tɔɔ wu daa ka tĩng tɔkɔlɔng, ti zi zang ɓɔɔgn ziti tɔkn nɛɛ daa ɓarɛ. Yakub nɛɛ jaa niiɓɛ Yɔhana, a ɓɔɔ daa ɓarɛ Zebedi ka yeti tonsi, ri palɛ jang jaazĩi ɓarɛ. A Yeesɔ ɓaa Yakubu nɛɛ Yɔhana nyaa.

Maraku 1:29

Ɓɔɔ rɛɛ Yeesɔ nwang nɛɛ gãa zɔɔ kpalɛnang zang Yahudi hn, ri daa kaa nɛɛ rɛɛ Yakub nɛɛ Yɔhana ka gãa rɛɛ Siman Anduru.

Maraku 13:3

Yeesɔ naa nwang tɔ ka tipi, ka Kɔpɔ Zeetung, raa jĩng ka Gãa Laa ka dang. Bituru nɛɛ Yakub nɛɛ Yɔhana, a ɓɔɔ Anduru ri naa hɛ̃ɛ wu ruu bɛ̀ɛ́ wu ka bm.

Maraku 6:30

Zang kopi tu ziti ɓɔɔ ri mantɛ vuu ka bii Yeesɔ kaɓa, ri gbãayu ka bii ɓiɓɛ, a ri kɔɔ wu vuu piti ɓɔɔ ri palɛ nɛɛ ɓɔɔ ri tusu ɓɛɛ.

Luka 11:49

Laa rang yee ka yeti zũnang ɓiɓɛ tɔɔ, ‘N shong ri zang nyaa shonang nɛɛ zang ɓɔɔ n shɛ̃ɛrɛ ri katɔ ɓɛɛ ditɔ. Ri naa nyɔkɔ ɓɔɔ vɔrɔ, ri ti dang ɓɔɔ jĩng.’

Luka 22:14

Ka ɓɔɔ làá vuu shaanang nyaalaa bìí naa raa bii, Yeesɔ daa nwang ka nɔng vuu shaanang, a zang ɓɔɔ ri mantɛ vuu ka bii ɓiɓɛ ri naa nwang kaa jong.

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Luka 5:10

Rɛɛ Siman ɓeesang, rɛɛ Yakub nɛɛ Yɔhana wujɛ Zebedi, ri mã naa ka danggn doo nɔngkɔ. A Yeesɔ kɔɔ Siman tɔɔ, “Mɔ́ɔ kaa vɔrɔ kpang, kãntang keɓe mɔɔ nwang ɓaa tɔ̀ɔ́ zang ɓɔɔ yi jaazĩi kpang, mɔɔ nwáng ɓaa kaa zang ɓɔɔ ɓaa zang nyaa nɛɛ ri a ka bii mɛɛ ɓɛɛ.”

Luka 9:10

Zang ɓɔɔ ri mantɛ vuu ka bii Yeesɔ kopi tu ziti naa gbãayu kɔɔ wu vuu piti ɓɔɔ ri palɛ ɓɛɛ. A Yeesɔ see rikɔ shɛ̃ɛning daa nɛɛ ri ka gbalang gari ɓɔɔ zang ɓaa nɛɛ Bɛsɛda ɓɛɛ.

Yɔhana 12:22

Filibu daa kɔɔ Anduru, a ri daa kaa nyaa zɔɔ, ri daa kɔɔ Yeesɔ.

Yɔhana 13:23

Zang gbete ka teteng ɓarɛ ɓɔɔ Yeesɔ kasɛ wu dɔɔli ɓɛɛ, nwáng nɛɛ wu naabm.

Yɔhana 20:2

Ka ruu nɔngkɔ, yurɛ daa ka bii Siman Bituru nɛɛ yɔɔ ɓɔɔ mantɛ vuu ka bii Yeesɔ ɓɔɔ gbete ɓɔɔ bɛ̀ɛ́ Yeesɔ kasɛ wu dɔɔli ɓɛɛ. A kɔɔ ri tɔɔ, “Zang tuu vɔrɔ Kpanti Yeesɔ tɔ nɛɛ yeti sàa, ruu zi nɔng ɓɔɔ zang shing wu kagn ɓɛɛ kpang.”

Yɔhana 21:2

Siman Bituru nɛɛ Tooma ɓɔɔ zang ɓaa wu nɛɛ Jaa bãnang nɛɛ Natanalu, yɔɔ gari Kaana ɓɔɔ ka tipi Galili ɓɛɛ, nɛɛ wujɛ Zebedi ziti, a ɓɔɔ zang ɓɔɔ ri mantɛ vuu doo ka bii Yeesɔ kɔ, ri ziti, ri nɛɛ zɔɔ ka nɔng gbete.

Yɔhana 21:20

Bituru raa jĩng ka knti, a zi yɔɔ ɓɔɔ mantɛ vuu ka bii Yeesɔ ɓɔɔ Yeesɔ kasɛ wu dɔɔli ɓɛɛ. Ɓɔɔ tiki ka danggn Yeesɔ naabm ka diki ɓɔɔ ri shaa vuu shaanang ɓɛɛ. A ti hɛ̃ɛ Yeesɔ tɔɔ, “Kpanti, wi naa nyɔ yuu ɓaaɓɛ wiya?”

Yɔhana 21:24

Yɔɔ ɓɔɔ mantɛ vuu ka bii Yeesɔ keɓe kɔ kɔɔrɔ vuu keɓe, wukɔ ti beeyi ka labeenang. Ruu ti zi tɔ, vuu ɓɔɔ wu kɔ̀ɔ ɓɛɛ ɓi niizang kɔ nwani.

Yɔhana 6:67

A Yeesɔ hɛ̃ɛ zang kopi tu ziti ɓɔɔ ri mantɛ vuu ka bii ɓiɓɛ ɓɛɛ nɛɛ, “Nɔɔ yaa m kaa tɔ jong ya?”

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Yɔhana 6:71

Rang ruu keɓe ɓi ka yuu Yahuda, jaa Siman Isikariyoti. Yahuda ka teteng zang kopi tu ziti ɓɔɔ ri mantɛ vuu ka bii Yeesɔ ɓɛɛ, wukɔ ti naa nyɔ yuu Yeesɔ.

Yɔhana 6:8

Zang ɓɔɔ mantɛ vuu ka bii ɓiɓɛ ɓɔɔ zang ɓaa wu nɛɛ Anduru jaa naa Siman Bituru, kɔɔ wu nɛɛ,

Zang Shonang Yeesɔ 1:13

Ri shɛ̃ɛ yeti gari tɔ, ri daa ka gãa lapa ɓɔɔ bɛ̀ɛ́ ri nwáng kagn ɓɛɛ. Zang keɓe rikɔ rɛɛ, Bituru, nɛɛ Yɔhana, nɛɛ Yakub, a ɓɔɔ Anduru, nɛɛ Filibu, nɛɛ Tooma, nɛɛ Batolomi, nɛɛ Matiyu, nɛɛ Yakub jaa Alifaya, a ɓɔɔ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang, nɛɛ Yahuda jaa Yakub.

Zang Shonang Yeesɔ 1:26

A ri shaa laa nɛɛ, tɔ̀ɔ, ri zɔ̃ng zang gbete ka teteng zang ziti keɓe. Láa yi Maatiya, a zang ɓakɛ wu kaa nɛɛ rɛɛ zang shonang kopi tu gbete kaɓa.

Zang Shonang Yeesɔ 12:2

Shingnɛ zang dɔng yuu Yakub jaa nàá Yɔhana nɛɛ yere bang a Yakub vɔrɛ.

Zang Shonang Yeesɔ 3:1

Diki ɓɔɔgn, Bituru nɛɛ Yɔhana ri daa ka Gãa Laa, ka laa ɓɔɔ zang daarɛ Laa gaanang ɓɛɛ, ka saka taati ɓɔɔ laarang.

1 Koranti 15:7

Diki ɓɔɔ kagn tusu Yakub yuu ɓiɓɛ. Nɛɛ knti, naa tùsù zang shonang ɓiɓɛ nandon yuu ɓiɓɛ jong.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Yɔhana 1:1

Jaa soro ɓɔɔ Laa zɔ̃̀ng katɔ ɓɛɛ, nɛɛ wujɛ ɓaaɓɛ ɓɔɔ n kasɛ ruu manɛ katɔ dɔɔli ɓɛɛ. Nkɔ zang bang, nkɔ bèé nɔɔ labeenang keɓe. Wu nkɔ kasɛ ruu manɛ gbete kpang, zang ɓɔɔ ri zi ruu niizang katɔ, ri kasɛ nɔɔ dòo katɔ kɔ.

3 Yɔhana 1:1

Masang Gaayu, ɓɔɔ n kasɛ ruu ɓaaɓɛ katɔ niizang ɓɛɛ, nkɔ zang bang, n bèé mɔɔ labeenang keɓe.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 18:20

Zang ɓɔɔ ri ka lapa ɓɛɛ, ri tãa tĩnang ta, ka ruu ɓɔɔ, gari Babila shaarɛ tɔ ɓɛɛ. Nɔɔ tãa tĩnang jong, rɛɛ zang Laa, nɛɛ rɛɛ zang shonang ɓiɓɛ, nɛɛ rɛɛ zang nyaa shonang ɓiɓɛ, ka ruu ɓɔɔ, Laa dɔng wu ruu tɔ ka ruu vuu shi kpang ɓɔɔ bɛ̀ɛ́ palɛ nɔɔ ɓɛɛ.”

Vuu ɓɔɔ zang nwangsɛ Yɔhana 22:8

Nkɔ Yɔhana, n tãa vuu keɓe nandon, n ti zili nɛɛ jĩng mɛɛ. Ɓɔɔ n tãa vuu keɓe tɔ, n ti zili ri tɔ, n tang nɛɛ gutu ka tĩng zang nyaa shonang Laa ɓɔɔ ka lapa ɓɛɛ, ɓɔɔ tusu m rɛɛ vuu keɓe ɓɛɛ. N tɔɔ, n báng wu,