Matiyu 10:14 - Nyaa Shɔɔ Ɓɔɔ Laa a Ɓɛɛ

¹⁴ Zang gãa nɛɛ gari ɓɔɔ ri nɛɛ bɛ̃ɛ nɔɔ nɛɛ nyaa ɓɔɔ nɔɔ rang piti, nɔɔ nɛɛ dɔ̃sɔ kaa gari ɓɔɔgn, nɔɔ waa zũng tapuru ɓɔɔ ka doo manɛ. (Nɔɔ kɔɔ ri nɛɛ, Ruu ɓuru hãa ɓi tɔɔgn nɛɛ nɔɔ kpang, tɔɔ nɔɔ daayi.)

Matiyu 10:14 Σταυροειδείς Αναφορές

Matiyu 10:13

Zang gãa ri nɛɛ ta nɔɔ nɛɛ yeti gbete, naa nwáng ditɔ nɔngkɔ. A zang gãa nɛɛ ta nɔɔ nɛɛ yeti gbete kpang, naa nwáng nɔngkɔ kpang.

Matiyu 18:5

Zang piti ɓɔɔ ta jaa tɔkɔlɔng ɓɔɔ naa weɓe ka ruu nung mɛɛ, ta nkɔ.

Maraku 6:11

Nɔng piti ɓɔɔ zang nɛɛ ta nɔɔ kagn kpang, a ri ti kasɛ nɛɛ ri ɓaa shoo ka nyaa manɛ kpang. Nɔɔ nɛɛ yaa nɔng kaɓa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, zang zi kati nɛɛ ruu manɛ hãa ɓi tɔ̀ɔ́gn kpang, ɓi kaa ruu ɓarɛ.”

Maraku 9:37

“Zang ɓɔɔ ta jaa ɓɔɔ tɔkɔlɔng ɓɔɔ naa weɓe ka nung mɛɛ, tà nkɔ. Zang ɓɔɔ nɛɛ ti ta m, ta ɓi nkɔ shɛ̃ɛning kpang, ta m nɛɛ zang ɓɔɔ shong m ɓɛɛ ning.”

Luka 9:48

A kɔɔ ri tɔɔ, “Zang piti ɓɔɔ ta jaa keɓe, ka ruu mɛɛ ta ɓi nkɔ. Zang ɓɔɔ nɛɛ ta m, ta zang ɓɔɔ shong m ɓɛɛ. Ka ruu ɓɔɔ zang ɓɔɔ shing gn nɛɛ wu ɓi zang bang kpang ka teteng manɛ, wukɔ zang bang manɛ.”

Luka 9:5

Nɔng ɓɔɔ zang nɛɛ ta nɔɔ kpang, nɔɔ nɛɛ daa kaa tɔ, nɔ́ɔ waa zũng tapuru ɓɔɔ ka doo manɛ katɔ. Tɔ̀ɔ, wu nwang vuu ɓɔɔ zang zi kagn nɛɛ ruu manɛ hãa ɓi tɔɔgn nɛɛ ri kpang ɓɛɛ. Nɛɛ Laa naa jee ri ruu ditɔ.”

Yɔhana 13:20

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ ta zang ɓɔɔ n shong ɓɛɛ, ta m tɔ jong. Zang ɓɔɔ nɛɛ ti ta m, ta ɓi zang ɓɔɔ shong m ɓɛɛ.”

Zang Shonang Yeesɔ 13:51

Bulu nɛɛ Baranaba ri waa zũng tapuru ɓɔɔ ka doo ɓarɛ, nwàng kaa naa ɓɔɔ ri kɔɔ zang Yahudi nɛɛ ruu ɓarɛ hãa ɓi tɔɔ kagn nɛɛ ri kpang ɓɛɛ. A ri daa kaa Ikoniya.

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.