Matiyu 1:23 - Nyaa Shɔɔ Ɓɔɔ Laa a Ɓɛɛ

²³ “Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Matiyu 1:23 Σταυροειδείς Αναφορές

Matiyu 1:24

Ɓɔɔ Yusufu naa seepaa kaa nɛɛ hingro, a naa palɛ vuu ɓɔɔ zang nyaa shonang Kpanti Laa ɓɔɔ ka lapa kɔɔ wu ɓɛɛ kati. Shing soro ɓiɓɛ Marayamu kati.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Luka 20:44

Dawuda nɛɛ ɓaa wu nɛɛ Kpanti, a palɛ ka biya, naa nwang jaa zɔ̃ng Dawuda tɔkn wiya?”

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Zang Shonang Yeesɔ 18:9

Diki ɓɔ̀ɔ́gn nɛɛ zĩi, Bulu rɔ̃kɔ, Kpanti Laa kɔɔ wu nɛɛ, “Mɔɔ kaa vɔrɔ kpang. Kɔɔrɔ zang ɓaa ruu, mɔɔ yaa kpang.

Rooma 8:31

Nɛɛ nɔngkɔ ɓɛɛ, ruu kɔɔ ɓu kaa nɛɛ vi tɔkn viya? Laa nɛɛ ɓàng nɛɛ ruu ɓɛɛ, wi shii bàng nɛɛ ruu, wu ɓa ruu kaka wiya?

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

2 Timoti 4:22

Kpanti Yeesɔ Kirisi wu shingnɛ, mɔɔ tãa tĩnang, Laa wu palɛ nɔɔ tɔ̃ɔ nandon.