Matiyu 1:21 - Nyaa Shɔɔ Ɓɔɔ Laa a Ɓɛɛ

²¹ Naa yi jaa zang varɛ, mɔ́ɔ ɓaa nung ɓiɓɛ nɛɛ Yeesɔ (zang ɓɔɔ ta yuu zang ɓɛɛ). Ka ruu ɓɔɔ, wukɔ naa ta yuu zang ɓiɓɛ nɛɛ vuu shi kpang ɓarɛ ɓɛɛ.”

Matiyu 1:21 Σταυροειδείς Αναφορές

Matiyu 1:25

Yusufu ɓang bii nɛɛ Marayamu doo gbete kpang, a Marayamu naa yi jaa kaa zang varɛ, a Yusufu ɓaa nung ɓiɓɛ nɛɛ Yeesɔ.

Luka 1:13

A zang nyaa shonang Laa kɔɔ wu tɔɔ, “Mɔ́ɔ kaa vɔrɔ kpang Zakariya, Laa tãa vuu ɓɔɔ mɔɔ gaa ɓɛɛ tɔ. Soro ɓaaɓɛ Alisabatu yi mɔɔ jaa ditɔ zang varɛ, mɔ́ɔ ɓaa nung ɓiɓɛ nɛɛ Yɔhana.

Luka 1:31

Mɔɔ naa tuu jaa ditɔ, mɔɔ yi zang varɛ. Mɔɔ naa ɓaa nung ɓiɓɛ nɛɛ Yeesɔ.

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Luka 2:21

Zang yi Yeesɔ tɔ diki daa tɔ mantaati, a zang arɛ nɛɛ zang naa yèé Yeesɔ kaa shaa ka naa ɓɔɔ ri palɛ ɓɛɛ. Zang yee wu shaa tɔ, a zang ɓaa wu nung kaa nɛɛ Yeesɔ. Nung ɓɔɔ zang nyaa shonang Laa ɓɔɔ ka lapa a wu, bɛ̀ɛ́ niiɓɛ tuu wu gn ka yeti kpang ɓɛɛ.

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 4:42

A ri kɔɔ jaa soro tɔɔ, “Rùu shing danggn wu ka ruu vuu ɓɔɔ mɔɔ kɔɔ ruu kpang. Ruu tãa ruu ɓiɓɛ tɔ nɛɛ shoo ɓuru, a ruu ti zi tɔ niizang, nɛɛ yɔɔ keɓe kɔ naa ta yuu zang koo.”

Zang Shonang Yeesɔ 13:23

“Laa atɛ zang Isirela, zang ɓɔɔ ta yuu ɓarɛ nɛɛ zɔ̃ng yɔɔ keɓe kɔ, naa ɓɔɔ wu a nyaa ɓɛɛ. Zang keɓe wukɔ Yeesɔ.

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Zang Shonang Yeesɔ 4:12

“Zang ɓɔɔ ta yuu zang ɓɔɔ takpang, ka ruu ɓɔɔ, zang ɓɔɔ kagn ka koo keɓe gbete ɓɔɔ Laa a zang nung ɓiɓɛ, nɛɛ wukɔ ta yuu zang ɓɛɛ kpang ɓɛɛ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 3:5

Nɔɔ zi tɔ nɛɛ, Yeesɔ arɛ nɛɛ wu naa kɔ̃̀sɔ́ zang vuu shi kpang. Vuu shi kpang ɓi kagn bii ɓiɓɛ kpang.

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”