Matiyu 1:16 - Nyaa Shɔɔ Ɓɔɔ Laa a Ɓɛɛ

¹⁶ Yakubu naa yi Yusufu varɛ Marayamu. Marayamu kɔ nàá Yeesɔ ɓɔɔ zang ɓaa wu nɛɛ Kirisi (ɓɔɔ Laa tɔɔ wu shong ɓɛɛ).

Matiyu 1:16 Σταυροειδείς Αναφορές

Matiyu 1:15

Aliyuda naa yi Eliyaza, Eliyaza naa yi Matan, a Matan naa yi Yakubu.

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 16:20

A Yeesɔ shaarɛ zang ɓɔɔ ri mantɛ vuu ka bii ɓiɓɛ nyaa tɔɔ, ri kɔɔ zang gn kpang nɛɛ wukɔ Kirisi, zang ɓɔɔ naa a ɓɛɛ kpang.

Matiyu 2:13

Ɓɔɔ zang ɓɔɔ ri zili sang kaɓa, ri daa tɔ, zang nyaa shonang Kpanti Laa ɓɔɔ ka lapa ɓɛɛ naa nwang nyaa kaa Yusufu ka yeti rɔ̃kɔnang tɔɔ, “Seepaa mɔɔ tuu jaa nɛɛ niiɓɛ, mɔɔ yurɛ, mɔɔ daa nwang nɛɛ ri ka tipi Masara. N naa kɔɔ mɔɔ diki ɓɔɔ mɔɔ yaa nɔng kaɓa ditɔ, ka ruu ɓɔɔ kpanti Hiridu naa kãa jaa keɓe ditɔ, nɛɛ tɔɔ wu nyɔ jaa vɔrɔ ɓɛɛ.”

Matiyu 27:17

Zang kpalɛ zɔɔ tɔ nandon, a Bilatu hɛ̃ɛ ri tɔɔ, “N yaa nɔɔ ɓu wi naa wiya? Baraba ya, kɔ Yeesɔ ɓɔɔ zang ɓaa nɛɛ Kirisi ɓɛɛ?”

Matiyu 27:22

A Bilatu hɛ̃ɛ ri nɛɛ, “Ń palɛ vi nɛɛ Yeesɔ ɓɔɔ zang ɓaa wu nɛɛ Kirisi, viya?” Ri goo nyaa nandon tɔɔ, “Yaa wu, zang ɓaa wu naa ka laa.”

Maraku 6:3

Wee ɓu zang ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ Yakub nɛɛ Yose nɛɛ Yahuda nɛɛ Siman kɔ jaa niiɓɛ kpang ya? Wu ti rɛɛ jaa niiɓɛ ɓɔɔ soro kɔ nɛɛ ruu ka nihn kpang ya?” Gnvɔ shaa ri, ri bɛ̃ɛ wu kati.

Luka 1:27

Laa shong wu ka bii ja soo ɓɔɔ roo varɛ gn gn kpang, ɓɔɔ Yusufu zɔ̃ng Dawuda gee tɔ ɓɛɛ. Zang ɓaa nung ja soo kaɓa nɛɛ Marayamu.

Luka 2:48

Ɓɔɔ, diiɓɛ nɛɛ niiɓɛ ri zi wu naa weɓe, ri mã naa ka danggn, niiɓɛ hɛ̃ɛ tɔɔ, “Jaa, mɔɔ pálɛ̀ ruu nɔngkɔ ka ruu viya? Ruu kãa mɔɔ tɔ nɛɛ daaɓɛ, gbãng gbãng.”

Luka 2:7

a yi jamari ɓiɓɛ kaa zang varɛ, leng wu nɛɛ sɛ̃ɛ fɔ̃ɔrɔ ɓɔɔ zang leng jaa rɛ̃ɛting nɛɛ mani ɓɛɛ. A wɔɔ wu ka yeti vuu ɓɔɔ zang tɛ̃ɛ vuu vaa vuu shaanang kagn ɓɛɛ. Ka ruu ɓɔɔ, ri walɛ gãa ɓɔɔ ri roo kagn ka nɔng ɓɔɔ zang shing zang zanti kpang ɓɛɛ.

Luka 3:23

Ɓɔɔ Yeesɔ gaa tɔɔsung shonang ɓiɓɛ palɛnang, bɛ̀ɛ́ saa ɓiɓɛ daa bmati tu kopi. Zang kɔ̀ɔ́ ɓi nɛɛ Yeesɔ jaa Yusufu ɓɔɔ daa ɓiɓɛ Heli ɓɛɛ.

Luka 4:22

Zang piti rang vuu tɔ̃ɔ ka yuu ɓiɓɛ. A ri mã naa ka danggn ka ruu yee tɔ̃ɔ ɓɔɔ nwangnɛ nyaa ɓiɓɛ ɓɛɛ. A ri hɛ̃ɛyi tɔɔ, “Wee ɓu bɛɛ jaa Yusufu kpang ya?”

Yɔhana 4:25

Jaa soro kɔɔ wu nɛɛ, “N zi tɔ, Masiya ɓɔɔ zang ɓaa wu nɛɛ Kirisi a ditɔ. Nɛɛ a tɔ, naa kɔɔ ruu vuu ditɔ nandon.”