Matiyu 1:1 - Nyaa Shɔɔ Ɓɔɔ Laa a Ɓɛɛ

¹ Labeenang keɓe ka yuu zɔ̃ng ɓɔɔ zang yi Yeesɔ Kirisi kagn ɓɛɛ. Yeesɔ Kirisi nwangnɛ zɔ̃ng Dawuda ɓɔɔ ɓi zɔ̃ng Ibirayi ɓɛɛ.

Matiyu 1:1 Σταυροειδείς Αναφορές

Matiyu 1:18

Wee naa ɓɔɔ zang yi Yeesɔ Kirisi ɓɛɛ. Yusufu hangsɛ nyaa Marayamu geenang tɔ nandon, a ɓang bii kaa gngn nɛɛ wu kpang. A Marayamu zirɛ nɛɛ wu tuu jaa tɔ kaa nɛɛ bii Suru Kpanti Laa.

Matiyu 1:2

Ka tĩng tɛ̃ɛ tɛ̃ɛ, Ibirayi yi Ishaaku, Ishaaku naa yi Yakubu, a Yakubu naa yi Yahuda nɛɛ rɛɛ ɓeezung.

Matiyu 15:22

A jaa soro Kaana ɓɔɔ nwang ka tipi kaɓa, a ka bii ɓiɓɛ. Kaa nyaa kana nɛɛ, “Kpanti, Jaa Dawuda gn mɛɛ wu kɔng mɔɔ jong. Suru shi kpang dang jaa mɛɛ ɓɔɔ zang soro jĩng dɔɔli.”

Matiyu 3:16

Ɓɔɔ Yɔhana pàlɛ̀ wu batizima hn, Yeesɔ nwang kaa nɛɛ mii, a lapa tantɛ kaa puunang, a zi Suru Laa shooro kaa naa koro, naa nwáng ka yuu ɓiɓɛ.

Matiyu 9:27

Yeesɔ seepaa tɔ, daa kana gbalang, a zang jĩng ringtang ziti ri dũuru wu ka knti. Ri ti mɛɛrɛ nyaa kana nɛɛ, “Jaa zɔ̃ng Dawuda gn ɓuru wu kɔng mɔɔ jong.”

Luka 1:33

Naa roo Kpanti ka yuu zang Yahudi dòndòng. Kpanti ɓɔɔ wu naa rooyi, naa waa nyaa ɓi kpang.”

Yɔhana 7:42

Labeenang Laa kɔ̀ɔyi tɔɔ, Kirisi naa nwang ɓi nɛɛ teteng zɔ̃ng kpanti Dawuda, nɛɛ zang ti naa yi Kirisi ka Bɛtalami, gari ɓɔɔ Dawuda nwáng kagn ɓɛɛ.”

Zang Shonang Yeesɔ 2:30

Dawuda ɓi zang nyaa shonang Laa, a ti zi vuu ɓɔɔ Laa tũng wu ɓi tɔ. Laa tũng wu vuu tɔɔ, wu yí zɔ̃ng ɓiɓɛ gbete wu roo kpanti.

Rooma 1:3

Ruu keɓe, ɓi ka yuu Jaa ɓiɓɛ Kpanti ɓuru Yeesɔ Kirisi. Ka bii shɔnzang, wu ɓi zɔ̃ng Dawuda.

Rooma 4:13

Laa a Ibirayi nɛɛ zɔ̃ng ɓiɓɛ nyaa, nɛɛ koo keɓe naa nwang ɓɔɔ ɓarɛ. Laa a nyaa keɓe wu ka ruu ɓɔɔ Ibirayi dũng nyaa ɓɔɔ Laa dang ɓɛɛ kpang. Ɓi ka ruu ɓɔɔ shing danggn ka bii Laa, a Laa ta wu kati nɛɛ wu zang tɔ̃ɔ ɓɛɛ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

1 Timoti 2:5

Laa ɓi gbete kɔ nwani, a zang ɓɔɔ shɛ̃ɛ ka teteng Laa nɛɛ zang piti ɓi doo gbete kɔ. Zang keɓe wukɔ Yeesɔ Kirisi.

2 Timoti 2:8

Danggn Yeesɔ Kirisi ɓɔɔ zang wisi paa nɛɛ saa, wu ning mɔɔ kpang. Yeesɔ ɓɔɔ wu jaa zɔ̃ng Dawuda ɓɛɛ, naa ɓɔɔ n túsú ka yeti Ruu Tɔ̃ɔ Laa kɔ n kɔ́ɔrɔ̀ zang ɓɛɛ.

Vuu ɓɔɔ zang nwangsɛ Yɔhana 22:16

Yeesɔ ti kɔɔyi nɛɛ, “Nkɔ Yeesɔ, n shong zang nyaa shonang mɛɛ ɓɔɔ ka lapa ɓɛɛ tɔ, ka nɔng manɛ nɛɛ wu kɔɔ nɔɔ vuu keɓe, ka rɛɛ gãa Laa ɓɔɔ zang ɓɔɔ ri dũng Laa ri kpalɛ zɔɔ kagn ɓɛɛ. N m zɔ̃ng zang kpanti Dawuda. Nkɔ ti sang ɓɔɔ yakɛ nɔng nɛɛ yuu gãndi ɓɛɛ.”