Luka 9:1 - Nyaa Shɔɔ Ɓɔɔ Laa a Ɓɛɛ

¹ Yeesɔ ɓaa nyaa ka zang ɓɔɔ ri mantɛ vuu ka bìí ɓiɓɛ kopi tuu ziti ka nɔng gbete, a á ri naa suru shi kpang nandon nwangsɛnang nɛɛ zang kɔnang masɛnang.

Luka 9:1 Σταυροειδείς Αναφορές

Matiyu 16:19

N ti naa tusu mɔkɔ naa ɓɔɔ mɔɔ tusu zang gbalang, zang zirɛ nɛɛ Laa kɔ Kpanti ɓɛɛ. Vuu ɓɔɔ mɔɔ bɛ̃ɛ ka koo keɓe piti, zang bɛ̃ɛ ɓi katɔ kɔ doori ka lapa. Vuu ɓɔɔ mɔɔ kasɛ ka koo keɓe, zang ti kasɛ ɓi katɔ kɔ doori ka lapa.”

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Matiyu 8:9

Ka ruu ɓɔɔ, n nwang m ka naa zang ɓɛɛ. A zang sɔɔja ɓɔɔ ri ti kagn naa mɛɛ kɔ doori. Naa n kɔɔ ɓɔɔ gbete, n tɔɔ ‘Dita’, daa katɔ. Naa n ti kɔɔ ɓɔɔgn nɛɛ, ‘Arɛ’, ti a katɔ. Naa n ti kɔɔ zang shonang mɛɛ nɛɛ, ‘Palɛ veɓe’, ti palɛ katɔ.”

Luka 10:1

Ka knti vuu keɓe Yeesɔ zɔ̃ngkɔ zang laa taati tu kopi a ɓakɛ ri ziti, ziti, a shongko ri ka rɛɛ gari nɛɛ nɔng piti, piti ɓɔɔ wu naa daarɛ ɓɛɛ.

Luka 10:19

Nɔɔ zirɛ n a nɔɔ naa tɔ, nɔɔ ra ka yuu sɔkɔ nɛɛ gbuuri. Nɔɔ ti ɓa zang ɓɔɔ shing jĩng nɛɛ zang kpang yuu katɔ. Vuu ɓɔɔ kpaa nɔɔ naa ka bii kpang.

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 3:16

Danggn shinnang ka nung Yeesɔ kɔ masɛ yɔɔ kɔ nɔɔ zi nɛɛ jĩng, a nɔɔ ti zì wu nung tɔ ɓee. Ɓi nung Yeesɔ nɛɛ danggn shinnang ka bii ɓiɓɛ kɔ masɛ yɔɔ keɓe dɔ̃ɔ gbete, naa wee nɔɔ zi ɓee.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 9:34

Bituru kɔɔ wu tɔɔ, “Aniya Yeesɔ Kirisi masɛ mɔɔ tɔ. Yupaa mɔɔ palɛ latãng ɓaaɓɛ waasɛ̃.” A Aniya tantɛ paa yunang.