Luka 7:47 - Nyaa Shɔɔ Ɓɔɔ Laa a Ɓɛɛ

⁴⁷ Ka ruu nɔngkɔ, n kɔɔ mɔɔ, zang yaa wu gbalang vuu shi kpang ɓiɓɛ ɓɔɔ dɔɔli tɔ, ka ruu ɓɔɔ tusu nɛɛ wu kasɛ m dɔɔli ɓɛɛ. Zang ɓɔɔ zang yaa wu gbalang tɔkɔlɔng, kasɛ ruu zang ɓi tɔkɔlɔng.”

Luka 7:47 Σταυροειδείς Αναφορές

Matiyu 10:37

“Shɔnzang ɓɔɔ kasɛ ruu diiɓɛ, kɔ niiɓɛ, ɓá ɓɔɔ wu kasɛ m katɔ, daa naa ɓɔɔ wu dũng m kpang. Zang ɓɔɔ ti kasɛ ruu jaa ɓiɓɛ ɓɔɔ varɛ kɔ ɓɔɔ soro, ɓá ɓɔɔ wu kasɛ m, daa naa ɓɔɔ wu dũng m kpang.

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Luka 7:46

Mɔɔ ti tũuru nung ka yuu mɛɛ kpang, jaa soro keɓe tũuru m nung ka doo mɛɛ.

Luka 7:48

A kɔɔ jaa soro tɔɔ, “N yaa mɔɔ gbalang vuu shi kpang ɓaaɓɛ tɔ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

2 Koranti 5:14

Ɓi kasɛnang ɓɔɔ Kirisi kasɛ ruu nɛɛ mani kɔ yiti ruu. Ka ruu ɓɔɔ, ruu zi ɓuru tɔ nɛɛ, zang gbete vɔ tɔ ka ruu zang piti. Nwang ɓi kaa naa ɓɔɔ ri nandon ri vɔ jong nɛɛ wu ɓɛɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

1 Yɔhana 5:3

Zang ɓɔɔ kasɛ Ruu Laa katɔ niizang, dũng nyaa ɓɔɔ Laa dang ɓɛɛ katɔ. Nyaa ɓɔɔ Laa dangnɛ kpãa dũnnang ɓi kpang.