Luka 7:41 - Nyaa Shɔɔ Ɓɔɔ Laa a Ɓɛɛ

⁴¹ Yeesɔ tɔɔ, “Yɔɔ ɓɔɔ kagn a zang ziti saka nyaa kɔ́pɔ́. Zang gbete ta saka dinari laa maani, dakn maani. Ɓɔɔ gbete ta laa ziti tu kopi.

Luka 7:41 Σταυροειδείς Αναφορές

Matiyu 18:28

“Zang shonang kaɓa naa nwang tɔ ka biling, a naa ɓee yuu nɛɛ ɓeesang shonang ɓɔɔ gbete, ɓɔɔ ta saka nyaa kɔ́pɔ́ jaka gbete ka naa ɓiɓɛ ɓɛɛ. Yi wu ka vɔ̃ɔrɔ tap, nɛɛ wu sɔɔrɔ wu saka ɓiɓɛ ɓɔɔ wu ta ɓɛɛ ta.

Matiyu 6:12

Mɔ́ɔ ti yàa ruu gbalang vuu shi kpang ɓɔɔ ruu palɛ ɓɛɛ, naa ɓɔɔ ruu yaa zang ɓɔɔ ri palɛ ruu vuu shi kpang ɓɛɛ.

Maraku 6:37

A kasɛ ri nyaa tɔɔ, “Nɔɔ a ri vuu shaanang ta, ri shaayi.” A ri hɛ̃ɛ wu tɔɔ, “Ruu daa hoo borodi nung jaka ziti, ruu naa a ri ya?”

Luka 11:4

Yaa ruu gbalang vuu shi kpang ɓuru katɔ, naa ɓɔɔ ruu yàá zang ɓɔɔ ri palɛ ruu vuu shi kpang ɓɛɛ. Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang.’ ”

Luka 12:48

Zang shonang ɓɔɔ zi vuu ɓɔɔ dabang gãa ɓiɓɛ kasɛ nɛɛ wu palɛ kpang, naa palɛ vuu ɓɔɔ daa naa ɓɔɔ zang nyɔ zang katɔ, zang naa nyɔ wu ɓi tɔkɔlɔng. Zang ɓɔɔ zang a wu vuu dɔɔli, zang naa ta ɓi doo dɔɔli kɔ, ka naa ɓiɓɛ. Zang ɓɔɔ zang ti yaa wu vuu dɔɔli, zang shing gn nɛɛ naa a zang ɓi doo dɔɔli kɔ.

Luka 13:4

Nɔɔ ti kɔɔ ɓu nɛɛ zang kopi tu mantaati kɔ gãa beebang ɓɔɔ ka Siluwa jirɛ, nyɔkɔ ri vɔrɔ ɓa, ɓi ka ruu ɓɔɔ, ri palɛ vuu shi kpang ɓɔɔ ɓa ɓɔɔ zang nimbang ɓɔɔ ri nwang ka Urushalima katɔ ɓɛɛ ya?

Luka 7:40

A Yeesɔ kɔɔ wu tɔɔ, “Siman vuu ɓɔɔ, n tɔɔ n kɔɔ mɔɔ kagn.” A Siman kasɛ wu nyaa tɔɔ, “Ɓu viya, maalang?”

Luka 7:47

Ka ruu nɔngkɔ, n kɔɔ mɔɔ, zang yaa wu gbalang vuu shi kpang ɓiɓɛ ɓɔɔ dɔɔli tɔ, ka ruu ɓɔɔ tusu nɛɛ wu kasɛ m dɔɔli ɓɛɛ. Zang ɓɔɔ zang yaa wu gbalang tɔkɔlɔng, kasɛ ruu zang ɓi tɔkɔlɔng.”

Rooma 3:23

Zang piti ri palɛ vuu shi kpang tɔ, ri daa naa ɓɔɔ ri walɛ bannang ɓɔɔ Laa a zang ɓɛɛ takpang.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.