Luka 7:29 - Nyaa Shɔɔ Ɓɔɔ Laa a Ɓɛɛ

²⁹ Zang ɓɔɔ ri kpalɛ zɔɔ piti, nɛɛ ɓɔɔ ri ta saka tipi, ri tãa ruu keɓe. Ri dɔɔ Laa ka ruu ɓɔɔ Yɔhana palɛ ri batizima ɓɛɛ.

Luka 7:29 Σταυροειδείς Αναφορές

Matiyu 5:46

Naa nɔɔ kàsɛ́ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Zang ɓɔɔ ri ta saka tipi, ri palɛ wu nɔngkɔ doori kpang ya?

Luka 20:6

Ruu nɛɛ ti kɔɔ nɛɛ, ‘Shɔnzang a wu naa.’ Zang kɔ nihn ɓee, nandon ri luku ruu katɔ nɛɛ tari ka ruu ɓɔɔ, ri shing danggn tɔ nɛɛ bɛ̀ɛ́ Yɔhana ɓi zang nyaa shonang Laa ɓɛɛ.”

Luka 3:12

Zang ɓɔɔ ri ta saka tipi ri ti arɛ nɛɛ Yɔhana wu palɛ ri batizima. Ri hɛ̃ɛ Yɔhana tɔɔ, “Maalang rúu palɛ ɓu kaa viya?”

Luka 7:28

N kɔɔ nɔɔ ka teteng zang piti ɓɔɔ zang soro yiki ka koo keɓe zang ɓɔɔ ɓa Yɔhana ɓɔɔ palɛ zang batizima kagn gbete kpang. A zang ɓɔɔ wukɔ tɔkɔlɔng ka teteng zang ɓɔɔ ri ka nɔng ɓɔɔ Laa roo Kpanti ɓa wu bannang katɔ.”

Luka 7:35

Zũnang ɓɔɔ Laa a zang, tusu bii ka vuu tɔ̃ɔ ɓɔɔ zang palɛ ɓɛɛ.”

Zang Shonang Yeesɔ 18:25

Zang tusu wu gbalang Laa tɔ gbãng gbãng. Suru Laa shing wu kɔ̀ɔ́ ruu, a ti tusu zang ruu ɓɔɔ niizang ka yuu Yeesɔ nɛɛ yeti gbete. A zi ɓi kaa doo batizima Yɔhana kɔɔ shɛ̃ɛning.

Zang Shonang Yeesɔ 19:3

Bulu hɛ̃ɛ ri nɛɛ, “Nɛɛ nɔngkɔ, zang pàlɛ̀ nɔɔ manɛ zɔ̃ng batizima kiya?” Ri kɔɔ wu nɛɛ, “Zɔ̃ng ɓɔ̀ɔ́ Yɔhana.”

Rooma 10:3

Ka ruu ɓɔɔ, ri zi gbalang ɓɔɔ risi zang, zang nwang zang tɔ̃ɔ ka tĩng Laa ɓɛɛ kpang. A ri kãa gbalang ɓɔɔ ri nwang zang tɔ̃ɔ ka tĩng ɓiɓɛ kaa nɛɛ yuu ɓarɛ. Ri tà gbalang ɓɔɔ Laa shìng zang, nɛɛ zang nwang zang tɔ̃ɔ nɛɛ mani ka tĩng ɓiɓɛ ɓɛɛ kpang.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 16:5

N tãayi, zang nyaa shonang Laa ɓɔɔ ka lapa ɓɛɛ, ɓɔɔ gãng jĩng ka mii kɔɔyi nɛɛ, “Laa ɓɔɔ mɔkɔ shi kpang ka bii kpang gbete ɓɛɛ. Mɔkɔ kãntang keɓe, mɔkɔ nwáng ka tĩng. Mɔɔ palɛ vuu gn dang gbete ka ruu kɔ mɔɔ dɔ̀ng zang ɓee kpang.