Luka 7:22 - Nyaa Shɔɔ Ɓɔɔ Laa a Ɓɛɛ

²² Yeesɔ kasɛ ri nyaa tɔɔ, “Nɔɔ dita nɔɔ daa kɔɔ Yɔhana vuu ɓɔɔ nɔɔ zi ɓɛɛ, nɛɛ vuu ɓɔɔ nɔɔ tãa ɓɛɛ. Zang jĩng ringtang ri zi nɔng kana. Zang ɓɔɔ ri kàa katɔ ri ti ra kana. Kɔnang zang vuu bii ti yaa ri nɔng tɔ. Zang shoo gbooto ri ti tãa nɔng kana. N ti wisi zang ɓɔɔ ri vɔ katɔ paa, a zang ti rǎng zang ɓɔɔ vuu ka naa kpang ruu tɔ̃ɔ Laa kana.

Luka 7:22 Σταυροειδείς Αναφορές

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 21:14

A zang jĩng ringtang, nɛɛ zang ɓɔɔ kàa katɔ ri naa a ka bii ɓiɓɛ ka yeti Gãa Laa, a masɛ ri kati.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 7:21

Ka laa kaɓa, Yeesɔ masɛ zang ɓɔɔ kɔnang ɓarɛ ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. A ti masɛ zang jĩng ringtang, ri zi nɔng kati.

Luka 7:23

Tĩnang tãanang ɓi ɓɔɔ zang ɓɔɔ ri yaa danggn naa ka ruu vuu ɓɔɔ n palɛ kpang ɓɛɛ.”

Yɔhana 1:46

Natanalu hɛ̃ɛ wu nɛɛ, “vuu tɔ̃ɔ ɓɔɔ nwáng nyaa ka gari Nazara ɓu kagn ya?” Filibu kasɛ wu nyaa tɔɔ “Arɛ mɔɔ daa zirɛ.”

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 8:7

Suru shi kpang, ri mɛɛrɛ nyaa ka lapa ka ɓɔɔ ri nwangkɛ nɛɛ bii zang ɓɛɛ. Zang ɓɔɔ ri kàa katɔ, nɛɛ zang ɓɔɔ bii ɓarɛ vɔ katɔ, zang ti masɛ ri jong.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.