Luka 7:21 - Nyaa Shɔɔ Ɓɔɔ Laa a Ɓɛɛ

²¹ Ka laa kaɓa, Yeesɔ masɛ zang ɓɔɔ kɔnang ɓarɛ ka zɔ̃ng zɔ̃ng ɓɛɛ dɔɔli. A ti nwangsɛ suru shi kpang nɛɛ bii zang dɔɔli. A ti masɛ zang jĩng ringtang, ri zi nɔng kati.

Luka 7:21 Σταυροειδείς Αναφορές

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Maraku 3:10

Yeesɔ masɛ zang tɔ dɔɔli, ka ruu nɔngkɔ, zang ɓɔɔ kɔnang ka bii ɓarɛ ning, ri béng zang nɛɛ tɔ̀ɔ, ri daa lee Yeesɔ naa ka bii.

Maraku 5:29

A zĩi ɓɔɔ kpaa wu tantɛ kaa dɔnnang. A tãa ka bii ɓiɓɛ nɛɛ kɔnang ɓiɓɛ waa nyaa tɔ.

Maraku 5:34

A Yeesɔ kɔɔ wu tɔɔ, “Man jaa, danggn ɓɔɔ mɔɔ shing ka bii mɛɛ masɛ mɔɔ tɔ. Daa waasɛ̃, kɔnang ɓaaɓɛ wu waa nyaa ta.”

Luka 7:20

A zang ɓɔɔ Yɔhana shongnɛ naa a ka bii Yeesɔ. Ri kɔɔ wu tɔɔ, “Yɔhana ɓɔɔ palɛ zang batizima shong ruu ka bii ɓaaɓɛ, tɔ́ɔ ruu hɛ̃ɛ mɔɔ nɛɛ, ‘Mɔkɔ zang ɓɔɔ zang tɔɔ naa a ɓɛɛ ya kɔ ruu gãng jĩng ka zang ɓɔɔgn?’ ”

Yahudi 12:6

Ka ruu ɓɔɔ, Laa gɔ̃ zang ɓɔɔ wu kasɛ ri katɔ kɔ shoo ɓɛɛ. Wu ti dang zang piti ɓɔɔ wu tarɛ nɛɛ jaa ɓiɓɛ ɓɛɛ jĩng.”