Luka 7:19 - Nyaa Shɔɔ Ɓɔɔ Laa a Ɓɛɛ

¹⁹ A Yɔhana ɓaa nyaa ka zang ɓɔɔ ri mantɛ vuu ka bii ɓiɓɛ ziti, a shong ri ka bii Yeesɔ. Yɔhana tɔɔ, ri daa hɛ̃ɛ Yeesɔ nɛɛ, “Wukɔ zang ɓɔɔ zang tɔɔ naa a ɓɛɛ ya? Kɔ, ruu gãng jĩng ka zang ɓɔɔgn?”

Luka 7:19 Σταυροειδείς Αναφορές

Maraku 6:7

A ɓaa nyaa ka zang ɓɔɔ ri mantɛ vuu ka bii ɓiɓɛ kopi tu ziti, a ɓakɛ ri kaa ziti, ziti, shongko ri. A ti a ri naa ɓɔɔ ri nwangsɛ suru shi kpang nɛɛ mani ɓɛɛ.

Luka 10:1

Ka knti vuu keɓe Yeesɔ zɔ̃ngkɔ zang laa taati tu kopi a ɓakɛ ri ziti, ziti, a shongko ri ka rɛɛ gari nɛɛ nɔng piti, piti ɓɔɔ wu naa daarɛ ɓɛɛ.

Luka 11:1

Diki ɓɔɔ kagn Yeesɔ gaa Laa ka nɔng ɓɔɔ ɓɛɛ. Hangsɛ nyaa tɔ, a zang gbete ka teteng zang ɓɔɔ ri mantɛ vuu ka bii ɓiɓɛ arɛ naa kɔɔ wu tɔɔ, “Dabang, kpɛ̃ɛrɛ ruu naa ɓɔɔ ruu gaa Laa jong, naa ɓɔɔ Yɔhana kpɛ̃ɛrɛ zang ɓɔɔ ri mantɛ vuu ka bii ɓiɓɛ ɓɛɛ.”

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 12:42

A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 13:15

A Kpanti Yeesɔ kɔɔ wu tɔɔ, “Zang ɓɔɔ ri nwãarɛ zang nɛɛ vuu palɛnang ɓɛɛ, zang ɓɔɔ kagn teteng manɛ gbete kãlɛ napo, kɔ seesaa ɓiɓɛ nɛɛ vàa, daa a wu mii ka Diki Ɔ̃sɔnang kpang ɓu wiya?

Luka 17:5

Zang ɓɔɔ Yeesɔ shɛ̃ɛrɛ katɔ, ri kɔɔ wu tɔɔ, “Yi ruu naa jong bii, rúu shing danggn ka bìí Laa gbãng gbãng.”

Luka 17:6

A Yeesɔ kasɛ ri nyaa tɔɔ, “Naa danggn ɓɔɔ nɔɔ shing ka bii Laa, nɛɛ nwang naa jĩng masita, nɔɔ nɛ̀ɛ́ kɔɔ laa zulung bang keɓe katɔ nɛɛ, ‘Ru ta nɛɛ yuu ɓaaɓɛ, mɔɔ daa shɔ bii ɓaaɓɛ ka yeti mii waapo.’ Ti palɛ katɔ naa ɓɔɔ nɔɔ kɔɔ ɓɛɛ.

Luka 18:6

A Kpanti Yeesɔ kɔɔyi tɔɔ, “Nɔɔ tãa vuu ɓɔɔ zang ruu jɛ̃ɛnang shi kpang kaɓa kɔɔ ɓɛɛ.

Luka 19:8

A Zaka shii paa, kɔɔ Yeesɔ tɔɔ, “Dabang, n basɛ vuu naa mɛɛ nɔng ziti, n tuu nɔng gbete n basɛ zang ɓɔɔ vuu ka naa ɓarɛ kpang ɓɛɛ, zang ɓɔɔ n nɛɛ shaa wu vuu kagn, n sɔɔrɔ wu vuu ɓɔɔ n shaa ɓɛɛ tìng dɛ̃ɛti.”

Luka 22:61

A Kpanti Yeesɔ raa jĩng pɛ̃ɛrɛ Bituru. A Bituru kpaa danggn yee Yeesɔ naa ɓɔɔ kɔɔ wu tɔɔ, “Ɓɔɔ kn ɓaa nyaa lɛ̀ɛ́kɔ nɛɛ zĩi, mɔɔ laa nyaa mɛɛ dakn taati.”

Luka 24:34

Ri kɔɔrɔ nɛɛ, “Kpanti Yeesɔ yupaa tɔ nɛɛ sàa niizang, nwang nyaa tɔ ka bii Siman.”

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 7:20

A zang ɓɔɔ Yɔhana shongnɛ naa a ka bii Yeesɔ. Ri kɔɔ wu tɔɔ, “Yɔhana ɓɔɔ palɛ zang batizima shong ruu ka bii ɓaaɓɛ, tɔ́ɔ ruu hɛ̃ɛ mɔɔ nɛɛ, ‘Mɔkɔ zang ɓɔɔ zang tɔɔ naa a ɓɛɛ ya kɔ ruu gãng jĩng ka zang ɓɔɔgn?’ ”

Yɔhana 11:2

Marayamu keɓe, kɔ tũuru Yeesɔ nung ɓɔɔ pũ̀ngkù tɔ̃ɔ tɔ̃ɔ ka doo, a àlɛ̀ nɛɛ suuyuu ɓiɓɛ. Liyazaru ɓɔɔ vuu palɛ keɓe, jaa niiɓɛ kɔ.

Yɔhana 4:1

Yeesɔ zirɛ nɛɛ zang Farisi ri tãa nyaa tɔ, nɛɛ wu walɛ zang ɓɔɔ ri mantɛ vuu ka bii ɓiɓɛ tɔ dɔɔli, nɛɛ wu ti pàlɛ́ zang batizima kana dɔɔli ɓa ɓɔɔ Yɔhana palɛ ɓɛɛ katɔ.

Yɔhana 4:25

Jaa soro kɔɔ wu nɛɛ, “N zi tɔ, Masiya ɓɔɔ zang ɓaa wu nɛɛ Kirisi a ditɔ. Nɛɛ a tɔ, naa kɔɔ ruu vuu ditɔ nandon.”

Yɔhana 6:23

A tonsi ɓɔɔ ri alɛ nɛɛ Tiberiya ri naa shiiri ka nyaa rang, naabm nɛɛ nɔng ɓɔɔ zang dɔɔli ri shaa borodi ɓɔɔ Yeesɔ zãa Laa a ri ɓɛɛ.

Vuu ɓɔɔ zang nwangsɛ Yɔhana 11:3

N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”