Luka 7:16 - Nyaa Shɔɔ Ɓɔɔ Laa a Ɓɛɛ

¹⁶ Zang ɓɔɔ ri kpalɛ zɔɔ gaagaa ɓɛɛ, ri kaa vɔrɔ kaa nandon. A ri dɔɔ Laa ri tɔɔ, “Zang nyaa shonang Laa ɓɔɔ bang nwang nyaa lɛ̀ɛ́ tɔ ka teteng ɓuru. Laa a lɛ̀ɛ́ tɔ, nɛɛ wu ta yuu zang ɓiɓɛ.”

Luka 7:16 Σταυροειδείς Αναφορές

Matiyu 15:31

Zang ɓɔɔ ri kpalɛ zɔɔ ka bìí Yeesɔ, ri mã naa ka danggn, ka ruu ɓɔɔ ri zi zang ɓɔɔ nyaa nɔɔ katɔ ri rang yee kana ɓɛɛ. Zang ɓɔɔ kàa katɔ, ri lakɛ, zang ɓɔɔ doo shãa katɔ, ri ti ra kana, a zang jĩng ringtang ri ti zi nɔng. Ɓɔɔ zang nimbang ri zi naa weɓe, ri dɔ̀ɔ Làá zang Isirela kati.

Matiyu 21:11

A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Matiyu 28:8

A zang soro kaɓa, ri yaa nɔng yuu sàa kaa tantɛnang, nɛɛ vɔrɔ kaanang, nɛɛ tĩnang tãanang ning, a ri yurɛ, nɛɛ ri daa kɔɔ zang ɓɔɔ ri mantɛ vuu ka bii ɓiɓɛ ɓɛɛ.

Matiyu 9:8

Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.

Luka 1:65

Ɓɔɔ zang nyaa gãa ɓarɛ ri zi naa weɓe, bii kaa ri vɔrɔ nandon. A zang ri rang ruu keɓe ka tipi Yahudi ɓɔɔ kɔpɔ kagn dɔɔli ɓɛɛ nandon.

Luka 1:68

“Ruu dɔ̀ɔ Kpanti Laa ɓɔɔ wukɔ Làá zang Isirela ta, ka ruu ɓɔɔ arɛ yi zang ɓiɓɛ naa ka bii, a ti ta yuu ɓarɛ tɔ ɓɛɛ.

Luka 19:44

Ri ningsi nɔɔ nɛɛ wujɛ manɛ ka yeti gari manɛ kɔ nɔɔ mã̀ayi nɔɔ ɓèe nyaa ka zɔɔ nandon ɓee. Ri naa yaa tari gbete wu pãng ka yuu zɔɔ kpang, ka ruu ɓɔɔ, nɔɔ zi laa ɓɔɔ Laa arɛ nɛɛ wu ta yuu manɛ kpang ɓɛɛ.”

Luka 2:20

Ɓɔɔ zang jagãng nɛɛ ri gbãa kaa yuu, ri a Laa bannang, ri dɔɔ wu, ka ruu vuu piti ɓɔɔ ri zirɛ a ri ti tãayi ɓɛɛ. Naa ɓɔɔ zang nyaa shonang Laa ɓɔɔ ka lapa kɔɔ ri ɓɛɛ.

Luka 24:19

A hɛ̃ɛ ri nɛɛ “Ɓu vi palɛ viya?” A ri kasɛ wu nyaa nɛɛ, “Vuu ɓɔɔ zang palɛ Yeesɔ yɔɔ Nazara, zang nyaa shonang Laa. Ɓɔɔ Laa a wu naa, nɛɛ wu palɛ vuu bang bang, nɛɛ wu ti rang zang piti yee, wu kaa vɔrɔ kpang ɓɛɛ. Zang piti a wu bannang katɔ.

Luka 5:26

Zang piti ri mã naa ka danggn, a ri dɔɔ Laa kati. Bii kaa ri vɔrɔ, ri tɔɔ, “Ruu zi vuu ɓɔɔ naa ɓɔɔgn lɛ̀ɛ́ tɔ.”

Luka 5:8

Ɓɔɔ Siman Bituru zi naa weɓe, tang nɛɛ gutu ka tĩng Yeesɔ tɔɔ, “N zɔ̃ɔrɔ mɔɔ katɔ Kpanti, daa ɓaa ta, mɔɔ yaa m, ka ruu ɓɔɔ, n m zang ɓɔɔ palɛ vuu shi kpang ɓɛɛ.”

Luka 7:15

A yɔɔ ɓɔɔ vɔ tɔ seepaa, a gaa tɔɔsung yee rannang kati. A Yeesɔ yi wu a niiɓɛ kati.

Luka 7:39

Ɓu doo ɓɔɔ zang Farisi ɓɔɔ ɓaa Yeesɔ nyaa zi naa weɓe, kɔɔ ka yeti ɓiɓɛ tɔɔ, “Naa yɔɔ keɓe nɛɛ zang nyaa shonang Laa, nɛɛ zi jaa soro kɔ lee wu naa ka bii ɓɛɛ tɔ. Nɛɛ ti zi naa nwannang jaa soro keɓe tɔ, ka ruu ɓɔɔ, jaa soro keɓe ɓi zang ɓɔɔ palɛ vuu shi kpang ɓɛɛ.”

Luka 8:37

A zang tipi Ganasara nandon ri bakɛ Yeesɔ nɛɛ wu dita, ka ruu ɓɔɔ ri kaa vɔrɔ dɔɔli ɓɛɛ. A Yeesɔ vang tonsi gbãayu kati.

Luka 9:19

Ri kasɛ wu nyaa tɔɔ, “Zang ɓɔɔ ri kɔɔ ɓarɛ nɛɛ mɔkɔ Yɔhana ɓɔɔ palɛ zang batizima ɓɛɛ. Zang ɓɔɔ ri ti kɔɔyi nɛɛ mɔkɔ Iliya. Zang ɓɔɔ ri kɔɔyi nɛɛ, mɔɔ zang nyaa shonang Laa ɓɔɔ gbete ɓɔɔ ka tĩng tɛ̃ɛ tɛ̃ɛ ɓɛɛ. Laa wisi wukɔ paa nɛɛ saa.”

Yɔhana 1:21

Ri hɛ̃ɛ wu nɛɛ “A mɔɔ ɓu kaa wiya?” “Mɔkɔ Iliya ya?” Yɔhana kasɛ ri nyaa tɔɔ, “Wu nkɔ Iliya kpang.” Ri hɛ̃ɛ wu tɔkn nɛɛ, “A mɔkɔ zang nyaa shonang Laa ɓɔɔ naa a ɓɛɛ ya?” A ti kasɛ ri nyaa nɛɛ, “Ɓi nkɔ kpang.”

Yɔhana 1:25

ri hɛ̃ɛ Yɔhana tɔɔ, “A ka ruu vi mɔɔ pàlɛ́ zang batizima viya? Mɔkɔ nɛɛ Kirisi kpang. Mɔkɔ ti Iliya kpang, a mɔɔ ti zang nyaa shonang Laa ɓɔɔ naa a kpang ɓɛɛ?”

Yɔhana 4:19

Jaa soro kɔɔyi nɛɛ, “Maalang, n zirɛ mɔɔ ɓaa zang nyaa shonang Laa.

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 9:17

A zang Farisi ri hɛ̃ɛ yɔɔ tɔkn nɛɛ, “Wee másɛ́ jĩng ɓaaɓɛ tɔ ɓee, mɔɔ kɔɔ ɓu kaa nɛɛ vi, ka yuu ɓiɓɛ viya?” Yɔɔ kɔɔ ri tɔɔ, “Yɔɔ bìí ɓi zang nyaa shonang Laa.”

Zang Shonang Yeesɔ 5:5

Ɓɔɔ Hananiya tãa ruu keɓe naa weɓe, tantɛ watɛnang ka tipi a vɔrɛ. Zang ɓɔɔ ri tãa ruu keɓe piti, ri kaa vɔrɔ dɔɔli.

Zang Shonang Yeesɔ 7:37

“Musa kɔ, kɔɔ zang Isirela tɔɔ, ‘Laa naa zɔ̃̌ng nɔɔ zang nyaa shonang ɓiɓɛ ditɔ, naa ɓɔɔ wu zɔ̃ng m ɓɛɛ. Zang nyaa shonang keɓe, naa a ɓi doo nɛɛ teteng zang manɛ kɔ.’

Galati 1:24

A ri dɔɔ Laa ka ruu mɛɛ.