Luka 7:12 - Nyaa Shɔɔ Ɓɔɔ Laa a Ɓɛɛ

¹² Yeesɔ a tɔ ka nyaa gãa gari naabm, a ɓee zang yuu ri túu vɔrɔ jaa suvɔ ɓɔɔ kagn gari ka kaɓa. Suvɔ kaɓa ti dũuru ri kana knti, nɛɛ zang gari ɓɔɔ ri kpalɛ zɔɔ gaagaa ka bii ɓiɓɛ ɓɛɛ. Yɔɔ ɓɔɔ vɔ kaɓa wukɔ jaa suvɔ kaɓa gbete.

Luka 7:12 Σταυροειδείς Αναφορές

Luka 7:11

Ka knti vuu keɓe, Yeesɔ naa tantɛ kaa daanang ka gari ɓɔɔ zang ɓaa nɛɛ Naying ɓɛɛ. Zang ɓɔɔ mantɛ vuu ka bii ɓiɓɛ nɛɛ zang ɓɔɔ ri kpalɛ zɔɔ gaagaa ri daa nɛɛ wu ning.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Luka 8:42

Yayiru bakɛ Yeesɔ, ka ruu jaa gbete ɓiɓɛ ɓɔɔ zang soro, ɓɔɔ saa ɓiɓɛ kopi tu ziti vɔ kana. Yeesɔ daa kana gbalang, a zang ɓɔɔ ri kpalɛ zɔɔ ri màasɛ́ wu kati.

Luka 8:52

Zang ɓɔɔ ri ka nɔng nandon ri kaa ɓarɛ kana, zang ɓɔɔ ri ti ku naa yuu ka ruu jaa ɓɔɔ vɔ ɓɛɛ. A Yeesɔ kɔɔ ri tɔɔ, “Nɔ́ɔ kaa kpang, vɔ ɓi ka takpang, roo ɓi katɔ waati.”

Yɔhana 11:19

zang tipi Yahudi dɔɔli ri a tɔ, nɛɛ ri jee Marayamu nɛɛ Mata nyavɔ jaa nàá ɓarɛ.

Zang Shonang Yeesɔ 9:39

A Bituru kpalɛ bii a daa kaa nɛɛ rɛɛ zang ɓɔɔ zang shong ri ɓɛɛ. Daa shɛ̃ɛ nɔng tɔ, a zang vang nɛɛ wu ka gãa lapa. Rɛɛ suvɔ ri kpalɛ zɔɔ ka bii ɓiɓɛ nandon ri kaa nyavɔ. Ri ti tusu wu rɛɛ fɔ̃ɔrɔ ɓɔɔ Dorika haarɛ bɛ̀ɛ́ wu doo ningkãari ɓɛɛ.

Zang Shonang Yeesɔ 9:41

Bituru yì wu naa ka bii, a shii kaa nɛɛ doo. Bituru, ɓaa nyaa kaa rɛɛ zang ɓɔɔ ri dũng Laa, nɛɛ rɛɛ suvɔ a á ri Tabita kaa ningkãari.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.