Luka 6:30 - Nyaa Shɔɔ Ɓɔɔ Laa a Ɓɛɛ

³⁰ Zang ɓɔɔ nɛɛ gaa vuu ka naa ɓaaɓɛ, mɔɔ zãa wu kpang. Zang ɓɔɔ nɛɛ ti tuu vuu ɓaaɓɛ, mɔɔ hɛ̃ɛyi nɛɛ zang sɔɔrɔ mɔɔ kpang.

Luka 6:30 Σταυροειδείς Αναφορές

Matiyu 18:35

N kɔɔ nɔɔ, Daa mɛɛ ɓɔɔ ka lapa, naa palɛ nɔɔ doo nɔngkɔ gbete, gbete, nɔɔ nɛɛ yàa zɔɔ gbalang ka yeti manɛ kpang ɓɛɛ.”

Matiyu 5:39

A n kɔɔ nɔɔ, nɔ́ɔ lɔngsɔ vuu shi kpang ɓɔɔ zang palɛ nɔɔ ɓɛɛ, nɛɛ vuu shi kpang kɔ doori kpang. N kɔɔ nɔɔ, zang nɛɛ nyɔ mɔɔ ka kashoo ɓɔɔ nakn, mɔɔ raa wu ɓɔɔ nagang jong.

Matiyu 6:12

Mɔ́ɔ ti yàa ruu gbalang vuu shi kpang ɓɔɔ ruu palɛ ɓɛɛ, naa ɓɔɔ ruu yaa zang ɓɔɔ ri palɛ ruu vuu shi kpang ɓɛɛ.

Luka 11:41

Nɔɔ a zang ɓɔɔ vuu ka naa ɓarɛ kpang ɓɛɛ, vuu ɓɔɔ ka yeti waka manɛ ɓɛɛ. Vuu manɛ piti nwang ditɔ tɔ̃ɔ tɔ̃ɔ.

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Luka 6:29

Zang ɓɔɔ nɛɛ nyɔ nɔɔ ka kashoo dang gbete, nɔɔ raa wu dang gbete, wu ti nyɔrɛ. Zang ɓɔɔ nɛɛ ti ta fɔ̃ɔrɔ bang ɓaaɓɛ, ɓɔɔ mɔɔ hãa nɛɛ biling, mɔɔ ti zãa wu ɓɔɔ tɔkɔlɔng ɓɔɔ mɔɔ hãa nɛɛ tĩng kpang.

Luka 6:31

Vuu ɓɔɔ nɔɔ kasɛ nɛɛ zang ri palɛ nɔɔ, nɔɔ pàlɛ̀ ri doo nɔngkɔ.

Luka 6:38

Nɔɔ a zang vuu katɔ, Laa naa a nɔɔ ditɔ jong. Ɓɔɔ nɔɔ ta ka naa Laa, naa yi nyaa waka katɔ tɔ̃ɔ tɔ̃ɔ, zang naa zĩiti, zang ĩi naa kagn. Zang wu ti tɛ̃ɛ ɓɔɔ tɔkn wu kãng ka tipi, tɔɔ zang wu a nɔɔ kati. Ka ruu ɓɔɔ, waka ɓɔɔ nɔɔ mã zang vuu nɛɛ mani, Laa naa mã nɔɔ doo nɛɛ wukɔ ɓɛɛ.”

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.